Evra shokon botën e futbollit: Jam abuzuar seksualisht në moshën 13-vjeçare – momenti më i vështirë kur i tregova familjes

Gjatë një interviste që parashikonte publikimin e autobiografisë së tij, Patric Evra, ish futbollist i disa skuadrave të mëdha, tani 40 vjeç, ai ka rrëfyer dhunën e vuajtur në fëmijëri.

Jemi mësuar ta shohim gjithmonë të buzëqeshur, protagonistin të shakave, si në rrjetet sociale ashtu edhe në televizion, por Patris Evra ka mbajtur një sekret të rëndë, që e ka rrëfyer gjatë një interviste për ‘The Times’.

Ai ka folur për daljen e autobiografisë së tij: “I LOVE THIS GAME”.

Ish-mbrojtësi i Manchester United dhe Juventus zbuloi se ishte abuzuar seksualisht kur ishte djalë i ri.

Dhuna ka ndodhur kur ai ishte 13 vjeç dhe vetëm tani në moshën 40-vjeçare ka arritur ta tregojë. Ai e ka rrëfyer këtë gjë për herë të parë edhe para nënës dhe familjes së tij.

“Ishte një kohë e vështirë për mua. Unë ende nuk kam për t’u thënë disa prej vëllezërve, motrave dhe miqve të mi të ngushtë. Unë nuk dua që njerëzit të ndiejnë keqardhje. Është një situatë e vështirë”.

“Një nënë nuk pret që ta dëgjojë këtë nga një fëmijë i saj. Ishte një tronditje e madhe për të. Ka shumë zemërim. Ajo tha se i vjen keq. Ajo tha: “nuk duhet ta vendosni në librin tuaj, është Patrice privat”, por unë i thashë: “Mami, nuk ka të bëjë me mua, ka të bëjë me djemtë e tjerë”. Ajo tha se e kuptoi”.

In his new book, Patrice Evra opened up about being sexually abused at age 13 by his head teacher.

He hopes that by sharing his story, he helps children who are also suffering.

(content warning: discussion of sexual abuse) pic.twitter.com/jNov27DLwT

— B/R Football (@brfootball) October 22, 2021

“E di që libri do të ndryshojë pikëpamjet e njerëzve për mua, por jam më se i lumtur të flas për të. Unë jam një version më i mirë i vetes. Miqtë e mi do të thonë: “Oh bota do të reagojë, mendoni për presionin”, por  presioni më i madh ishte kur i tregova nënës sime. Edhe të mendosh për këtë tani është e vështirë”, deklaroi ai.

Evra shtoi se ende nuk e ka menduar seriozisht akuzën, megjithëse nëna e saj ka sugjeruar që autori të paditet  dhe ka marrë telefonatë nga policia.

Evra lindi në Dakar të Senegalit, por u rrit në Les Ulis në Francë, ku filloi karrierën e si i ri, përpara se të futej në futbollin e madh në Itali me Marsala dhe më pas Monza.

Ai u transferua në Nice në vitin 2000 dhe më pas në Monaco dy vjet më vonë, ku kaloi katër vjet para se të bashkohej me Sir Alex Ferguson  në 2006 dhe të fitonte pesë tituj të Ligës Premier, tre Kupa dhe Ligën e Kampionëve në vitin 2008 me Manchester United .

Evra luajti dhe fitoi edhe me Juventusin dhe më pas veshi fanellat e Marseille dhe West Ham, ku e mbylli karrierën në vitin 2018. /Telegrafi/