Tahiri: Qeveria ta rishqyrtoj vendimin për gazsjellësin, refuzimi i bën dëm Kosovës

Kryetari i Grupit Parlamentar të Partisë Demokratike të Kosovës (PDK), Abelard Tahiri ka thënë se Qeveria duhet ta rishqyrtoj vendimin për gazsjellësin.

Tahiri duke folur pas takimi të Kryesisë së Kuvendit, është shprehur se refuzimi nga ana e Qeverisë së Kosovës i bënë dëm të madh vendit.

“Qeshje tjetër si Grup Parlamentar, i kërkojmë Qeverisë të rishqyrtojë vendimin për gazsjellësin. Vendi ynë po hynë në një krizë energjetike, alternativat janë gjithmonë të rëndësishme. Refuzimi i Qeverisë mendoj se i bënë dëm të madh vendit në perspektiven tonë afatgjate dhe në raport me partnerin tonë strategjik, Shtetet e Bashkuara të Amerikës. Kosova nuk e ka luksin të refuzojë një projekt të tillë”, tha Tahiri, shkruan Telegrafi.

Ai ka treguar se përkrahin nismën e Aleancës për Ardhmërinë e Kosovës për debat parlamentar, lidhur me këtë temë.

“Padyshim që do të ketë debat parlamentar. Në mbledhjen e radhës së kryesisë që besoj do të mbahet javën tjetër, do të vendoset që të vihet për debat parlamentar çështja e gazit në seancën e ardhshme të Kuvendit”, shtoi ai.

Ministrja e Ekonomisë, Artane Rizvanolli ka thënë se fondet e ndara nga MCC-ja amerikane nuk kanë qenë specifikisht për gazin.

Lexo po ashtu Qëndrimi i Qeverisë për gazsjellësin, rritja e çmimeve dhe paralajmërimi për krizën energjetike në Kosovë – ngjarjet kryesore të javës në ekonomi

Duke folur në një intervistë për Telegrafin, Rizvanolli është shprehur se mundësitë e ndërtimit të këtij projekti ende ekzistojnë.

“Projekti nuk është dizajnuar për infrastrukturë të gazit, fondet për programin e MCC-së janë alokuar deri në 200 milionë dollarë dhe janë dedikuar për sektorin e energjisë dhe duke qenë se në një studim të vitit 2016 nga vet MCC dhe Qeveria e Kosovës ka dal se energjia përbën një problem dhe një sfidë për zhvillimin e sektorit privat në vend”, ka thënë Rizvanolli.

Sipas saj, fondet e njëjta të ndara nga MCC-ja do të investohen në projekte tjera të energjisë.

“Ajo që ne kemi vendosur si Qeveri është që të mos vazhdojmë me atë projekt si ka qenë i dizajnuar, mirëpo fondet e njëjta të ndara për programin e ndarë për Kosovën t’i investojmë në projekte tjera të energjisë, të cilat e dimë se kanë risk më të vogël, duhet të ndodhin dhe se nuk kemi dyshime që do të na ndihmojnë në rrugën tonë drejt dekarbonizimit”, ka theksuar ajo.

SHBA-ja në buxhetin e ri të propozuar nga presidenti Joe Biden kishte marr vendim që t’i ndaj Kosovës rreth 200 milionë euro në kuadër të MCC-së. Në këtë fond, njëri nga projektet është ndërtimi i sektorit energjetik, përkatësisht ndërtimi i infrastrukturës së gazit. /Telegrafi/