Përzgjedhësi i Kosovës, Bernard Challandes, ka folur në konferencë për shtyp para ndeshjes me Suedinë, ku ka treguar pikat e forta të kundërshtarit.
Ai beson që Kosova do të vazhdojë me formën e mirë që e kishte në shtator, por sipas tij përballë nesh është një ekip si Suedia, që ka treguar formë të mirë si tani edhe në Kampionat Botëror.
“Do të luajmë kundër një ekipi të fortë. Kemi luajtur në shtator ndeshje të mira dhe duam ta konfirmojmë formën që e kemi pasur në shtator. Është e qartë që Suedia është kundërshtar shumë i fortë dhe këtë e ka treguar në të gjitha ndeshjet që ka luajtur, përfshirë edhe Kampionatin Evropian”.
“Presim një ekip shumë të fortë në aspektin fizik por edhe në aspektin individual sepse ka lojtarë që mund ta bëjnë dallimin në ndeshje”, deklaroi fillimisht Challandes.
Zvicerani deklaroi se edhe ndeshja ndaj Suedisë ka presion, pasi sipas tij në stadiumin ku do të luajë Kosova, ka pësuar humbje edhe Spanja.
“Edhe për këtë ndeshje ka presion sikurse në çdo ndeshje tjetër. Do të luajmë kundër një ekipi që në të njëjtin stadium e ka mposhtur Spanjën dhe presioni është normal jo vetëm në ekipin tonë, por çdo skuadër tjetër”, ka thënë ai.
Challandes ka shtuar se Suedia ka përvojë të madhe, ndërsa ndaj Kosovës, nuk është se frikësohen kundërshtarët të luajnë.
“Suedia ka përvojë dhe ka luajtur në shumë turne të mëdhenj. Po ashtu, lojtarët e Suedisë kanë luajtur edhe në Ligën e Kampionëve. Kështu që, për ta dueli me Kosovën është një ndeshje normale”.
“Ne duhet të jemi realistë. Mos të harrojmë se ne jemi Kosova. Suedia ka luajtur pothuajse çdoherë në Kampionatet Evropiane e Botërore. S’duhet të harrojmë kush jemi. Nuk mendoj se kundërshtarët tonë frikësohen për të luajtur me ne”, nënvizoi Challandes.
Në fund ai u pyet edhe për mungesat e Zlatan Ibrahimovic dhe Victor Lindelof, ku shtoi se edhe pa këta dy lojtarë shumë të mirë Suedia është e fortë.
“Me Ibrahimovicin kishin shumë probleme në Prishtinë, pasi loja zhvillohej me të, ndërsa ai dinte kur të bënte vertikalizme dhe pasime të sakta. Edhe Lindelof është një lojtar i rëndësishëm, por nuk besoj që këto mungesa do të ndihmojnë te Suedia”, ka thënë Challandes. /Telegrafi/
Promo
Reklamo këtuLufta Prigozhin - Putin
Më shumëE mposhti Furyn me spektakël, por Usykut do t’i hiqet titulli kampion i peshave të rënda në boks
Zbulohen fjalët e para që Tyson Fury ia tha Usykut pas përfundimit të meçit
Deklarata skandaloze e Tyson Furyt menjëherë pas humbjes ndaj Oleksandr Usyk
Trajneri i ri i Liverpoolit përmend Dritën në fjalimin e tij lamtumirës për Feyenoordin
Shpërthen ‘bomba’ në Spanjë: Dyshohet për një ndeshje të trukuar në La Liga
Zyrtare: Juventusi emëron legjendën e klubit si trajner të përkohshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare