Bëhet virale videoja që shfaq Vidalin e dehur teksa nuk mund të hyjë në veturë

Mesfushori i Interit, Arturo Vidal, është bërë hit në rrjetet sociale, pas publikimit të një videoje, në të cilën duket se ai nuk arrin të futet në veturë.

Sipas La Gazzetta dello Sport, ngjarja ka ndodhur më 18 gusht (kur edhe xhiruar videoja), tri ditë para ndeshjes hapëse të Nerazzurrëve në Serie A kundër Genoas.

Nuk është e qartë arsyeja pse xhirimi është bërë tash viral, rreth dy muaj pas publikimit.

Xhirimi është realizuar nga disa femra nga një ballkon pranë rrugës, ku vërehet një veturë e kuqe sportive.

Stasera in esclusiva dalle ore 20 su Telelombardia e Top Calcio 24 tutti i retroscena riguardanti il video su #Vidal che sta girando sui social pic.twitter.com/5qio6YgR1w

— QSVS (@QSVS_Official) October 5, 2021

Pasi ka pozuar me disa fansa për fotografi, Vidal është përpjekur të hyjë në veturë, por ka përfunduar duke u rrotulluar në pjesën e pasme të veturës.

Me pakëz ndihmë, ai ka arritur në ulësen e pasagjerit, por i kthyer prapa.

Femrat që e kanë bërë xhirimin dëgjohen duke qeshur dhe duke thënë: “Ai nuk po mundet as të qëndrojë në këmbë”.

La Gazzetta dello Sport bën të ditur se Interi është njoftuar për incidentin dhe se e ka diskutuar me lojtarin që në muajin gusht. /Telegrafi/

Vidal drunk as usual 🍺🤦‍♂️ pic.twitter.com/2MfzsXx3qy

— saintjuve (@saintjuve) October 5, 2021