Kosova dhe Serbia u morën vesh këtë të enjte për të ulur tensionet në veriun e Kosovës, që pasuan vendimin e qeverisë së Kosovës, për të vendosur masën e reciprocitetit për përdorimin e targave të makinave.
Sipas marrëveshjes, të shtunën me 2 tetor do të ndodhë largimi i barrikadave dhe i njësive të Policisë Speciale të Kosovës nga vendkalimet kufitare.
Forcat paqeruajtëse të udhëhequra nga NATO-ja do të sigurojnë vendkalimet kufitare për një periudhë dy javore.
Në “Debat Plus” analistët kanë dhënë opinionet e tyre në lidhje me përfitimet që kanë palët për këtë marrëveshje.
Imer Mushkolaj thotë se pozitive nga kjo marrëveshje është se qytetarët e Kosovës më nuk do të kenë nevojë të heqin targat por vetëm do të vendosin ngjitës mbi simbolet shtetërore.
“Megjithatë unë kam evidentuar dy probleme kryesore nga kjo marrëveshje. Një pikë problematike është tërheqja e sinkronizuar e njësisë Speciale të Policisë së Kosovës karshi tërheqjes së një grupi rebelësh që thjesht e kanë shkelur ligjin. Ky njëjtësim për mua është problematik pasi për tërheqjen e policisë nga territori yt merresh vesh me Serbinë në Bruksel. E dyta ka të bëjë me targat KM, GL, UL, që pavarësisht se janë me ngjitës ato regjistrohen nga Beogradi. Pra Kurti pranon që në Kosovë të qarkullohet me targa ilegale”, deklaroi Mushkolaj, përcjell Telegrafi.
Gazmir Raci thotë se marrëveshja është arritur edhe me ndërmjetësimin e BE-së dhe SHBA-së.
“Është mirë që përfundimisht targat RKS po pranohen edhe nga Serbia. Në një pikë të marrëveshjes thuhet se reciprociteti do të zbatohet në kufi, e që për mua i bie që targat ilegale do të konfiskohen në kufi pa u futur në Kosovë”, deklaroi Raci.
Visar Ymeri thotë se marrëveshja në Bruksel nuk ka ndonjë dallim nga ajo që ishte arritur në vitin 2016 nga negociatorja Edita Tahiri. Por sipas tij ndryshimi është të Albin Kurti.
“Do të zbatohet marrëveshja e targave e vitit 2016. Është e njëjta marrëveshje që në atë kohë e kemi kritikuar. Nuk është problem se Kurti ka ndryshuar. Mua më pengon se Kurti “tradhtinë” e djeshme po e trajton sot si fitore”, deklaroi Ymeri.
Vehbi Kajtazi thotë se marrëveshja që kërkon mbulimin e simboleve të republikës në targa është e turpshme.
“Pajtohem plotësisht me deklaratën e VV-së të vitit 2016 që e cilësonte të turpshme marrëveshjen… Kurti e Bislimi ma mirë do të bënin që të propozonin kthimin e targave KS, se që kanë pru këtë marrëveshje”, tha Kajtazi.
Dardan Gashi thotë se për të pasur reciprocitet për targa me Serbinë edhe Kosova do të ishte dashur të lëshojë targa për Luginën e Preshevës në Gjilan.
“Kur të kemi targa për Preshevën, Medvegjën e Bujanocit që lëshohen në Kosovë, atëherë Kurti le të flet për reciprocitet të plotë”, deklaroi Gashi./Telegrafi/
Promo
Reklamo këtuLufta Prigozhin - Putin
Më shumëZëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”
Tragjedia në Shkodër, vijon edhe gjatë natës kërkimi në lumin Bunë për nënën dhe dy fëmijët
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci
Kosova në Këshillin e Evropës, me apo pa kushte?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak