COVID-19: Suedia heq shumicën e kufizimeve, Rusia raporton vdekje rekord ditore

Suedia hoqi shumicën e kufizimeve të mbetura të vendosura për shkak të COVID-19 të mërkurën, pavarësisht rritjes së numrit të rasteve.

Sipas mediave të huaja, përcjell Telegrafi, bëhet fjalë për kufizimet në vendet ku realizohen festa të mëdha dhe distancën midis njerëzve, si dhe kufizimet në numrin që marrin pjesë në tubime dhe ngjarje, qofshin ato publike apo private.

Këshillat e Agjencisë Shëndetësore për të punuar nga shtëpia gjithashtu po hiqen.

Suedia ka qenë një “vend i ndryshëm” në aspektet e trajtimit të saj të sëmundjes, duke shmangur bllokimet e forta gjatë gjithë pandemisë.

Ndërkohë më në jug, Portugalia njoftoi se mund të heqë shumicën e kufizimeve të mbetura të pandemisë muajin e ardhshëm.

Ndërkohë, vdekjet e konfirmuara nga coronavirusi sapo kanë arritur një rekord tjetër në Rusi me 857 vdekje të reja të njoftuara të mërkurën.

Pak kufizime janë vendosur në vend, i cili kishte një bllokim gjashtë javor pranverën e kaluar.

Shkalla e vaksinimit të Rusisë mbetet e ulët me vetëm 28% të 144.4 milionë popullatës së saj tani të vaksinuar plotësisht. /Telegrafi/