Vendet e rajonit kanë shënuar përmirësim të aktivitetit ekonomik dhe rritje të çmimeve të konsumit.
Sipas një raporti të fundit të Bankës së Shqipërisë, me nisjen e vaksinimit dhe heqjen e kufizimeve edhe në këto vende, të gjithë sektorët e ekonomisë janë rigjallëruar. Tremujori i parë i vitit 2021 ka shënuar rritje ekonomike pozitive për të gjitha, me përjashtim të Maqedonisë së Veriut. Si konsumi privat, i ndihmuar nga rritja e besimit, ashtu edhe investimet, të ndihmuara nga shpenzimet publike, kanë njohur përmirësim.
Ndryshim bën Maqedonia e Veriut, ku politika fiskale po ndjek një kah konsolidues dhe investimet publike kanë shënuar tkurrje. Konsumi privat këtu ka mbetur i dobët, duke reflektuar pasiguritë mbi ecurinë e pandemisë në vend.
Të dhënat e tërthorta tregojnë për një përmirësim të aktivitetit ekonomik në rajon në tremujorin e dytë, ndonëse pa arritur ende në nivelet e parapandemisë COVID-19. Ecuria pozitive e Eurozonës, me të cilën është i lidhur ngushtë aktiviteti ekonomik i rajonit, pritet të rrisë kërkesën e huaj dhe të kontribuojë pozitivisht në ecurinë ekonomike të tij.
Normat e inflacionit kanë shënuar rritje, duke pasqyruar rritjen e çmimeve të naftës dhe të ushqimeve. Megjithatë, presionet për rritje të çmimeve nga kërkesa e brendshme dhe tregu i punës janë ende të dobëta.
Çmimet ndjekin tendencën botërore
Çmimet e mallrave bazë në tregjet ndërkombëtare kanë vazhduar të rriten në reflektim të rimëkëmbjes së ekonomisë botërore, vështirësive në zinxhirët e furnizimit dhe efekteve bazë nga ulja e çmimeve një vit më parë. Çmimi i naftës ka tejkaluar nivelet e periudhës para pandemisë, ndërsa çmimet e metaleve dhe të ushqimeve kanë arritur vlera historike ndër vitet e fundit. Rritja e çmimit të metaleve sjell efekte pozitive në eksportin e metalit vendas, i cili zë peshë të rëndësishme në eksportet totale, sipas raportit të BSH.
Çmimi i naftës Brent ishte 81 për qind më i lartë se një vit më parë dhe 15% më i lartë se në janar të vitit 2020, duke u kuotuar me rreth 73 dollarë/fuçi në muajin qershor. Rritja e çmimit të naftës u nxit nga rritja e kërkesës në kontekstin e pritjeve pozitive për ekonominë botërore. Në të njëjtin kah ka ndikuar dhe kufizimi në prodhim për shkak të kuotave të reduktuara nga OPEC+ që prej vitit 2020.
Zgjerimi i aktivitetit ekonomik ka sjellë një rritje të theksuar të kërkesës për metale. Indeksi i çmimeve të metaleve është rritur 69% në qershor, krahasuar me vitin e kaluar. Në rritjen e çmimeve të metaleve kanë ndikuar edhe kufizimet në furnizim nga disa miniera kryesore. Edhe çmimet e produkteve bujqësore kanë njohur rritje të vazhdueshme që prej mesit të vitit të kaluar. Indeksi i çmimeve të ushqimeve u rrit me 39 për qind në muajin qershor nga një vit më parë.
Në prani të një kërkese të lartë, çmimet e ushqimeve janë ndikuar edhe nga të korra më të ulëta, nga probleme në furnizim dhe rritje të kostove të transportit ndërkombëtar, si dhe nga kufizimet në eksportin e drithërave nga Rusia. Me zbutjen e kufizimeve në furnizim, presionet për rritje të çmimeve të metaleve dhe të ushqimeve pritet të stabilizohen. /Monitor/
Promo
Reklamo këtuLufta Prigozhin - Putin
Më shumëStudio Infermierinë (Ausbildung) në Gjermani dhe fito pagë mujore gjatë studimeve
Vazhdon super oferta për Peugeot 2008 nga Mercom Company
A jeni gati për mbrëmjen e Maturës?
Kurrë s’e ke pas ma lehtë se me Telegrafi Jobs me gjetë punë!
Jumbo feston 10-vjetorin bashkë me fëmijët dhe punonjësit
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'