Edhe Holanda e bën obligative vaksinimin kundër COVID-19

Nga 25 shtatori, Holanda do të kërkojë dëshmi të vaksinimit ose një test negativ për coronavirusin për të hyrë në bare, restorante, muze, teatro dhe institucione të tjera kulturore.

Një shumicë e ngushtë e parlamentit holandez mbrëmë hodhi poshtë një propozim që i bëri thirrje qeverisë të ndryshojë mendje për miratimin e lejes Covid, pasi kryeministri Mark Rutte tha se ishte e nevojshme për të parandaluar një valë të re të pandemive.

“Ne jemi ende në një situatë të rrezikshme. Nëse nuk e bëjmë këtë, do të sillte rreziqe të mëdha”, tha Rutte gjatë një debati të nxehtë në parlament.

Kundërshtarët në të gjithë spektrin politik kanë vënë në dyshim nevojën për shtrëngimin e masave, të cilët argumentojnë se është vetëm një dredhi për të stimuluar vaksinimin, pavarësisht premtimeve të vazhdueshme të qeverisë se vaksinimi nuk do të jetë kurrë i detyrueshëm.

Sipas të dhënave zyrtare, pothuajse 72 për qind e 17.5 milionë holandezëve kanë marrë të paktën një dozë të vaksinës së coronavirusit. Edhe pse sondazhet kanë treguar se shumica e qytetarëve e mbështesin masën, ata që refuzojnë të vaksinohen kanë kundërshtuar futjen e lejeve.

Lexo po ashtu Asnjë vend nuk e ka marrë një vendim të tillë më parë: Italia miraton masat më të rrepta në botë për COVID-19

Futja e lejeve është ndeshur gjithashtu me pakënaqësi nga furnizuesit e ushqimit dhe shumë bare dhe restorante kanë thënë tashmë se nuk do të bashkëpunojnë. Numri ditor i personave të regjistruar me coronavirus pozitiv në Holandë është zvogëluar në 2,000, ndërsa 600 pacientë po trajtohen në spitale.

Ndryshe, parlamenti italian e ka miratuar vendimin që obligon njerëzit të vaksinohen kundër coronavirusit. /Telegrafi/