Pogba vendos rekord asistimesh në Ligën Premier

Të gjithë sytë mund të kenë qenë te Cristiano Ronaldo në ‘debutimin e dytë’ të shtunën te Manchester United, por Paul Pogba gjithashtu u dallua me një tjetër paraqitje superlative për të vendosur një rekord të ri në Ligën Premier.

Francezi ka hequr dorë nga thashethemet e zakonshme të transferimit para sezonit për të bërë një fillim të jashtëzakonshëm në sezonin aktual, i cili i ka çuar Djajtë e Kuq në krye të tabelës.

Dhe ndërsa Ronaldo vodhi shfaqjen kundër Newcastle, Pogba ishte përsëri njëri nga vendimtarët në fitoren 4-1 të nikoqirëve në Old Trafford ndaj ‘Laraskave’.

4️⃣ #PL games
7️⃣ #PL assists

That's our @PaulPogba 👏#MUFC pic.twitter.com/ruJa3FHxTP

— Manchester United (@ManUtd) September 11, 2021

Ish-sulmuesi i Juventusit dhe Real Madridit e shfrytëzoi rikthimin e tij në Old Trafford, duke shënuar të dy golat e parë të United.

Bruno Fernandes dhe Jesse Lingard shënuan më vonë për të siguruar fitoren, por një kontribut i rëndësishëm erdhi nga Pogba.

Pogba asistoi të dy golat për shokët e tij të skuadrës, duke çuar shifrën në shtatë asistime në vetëm katër ndeshje të Ligës Premier deri tani në sezonin 2021/22.

10 – Paul Pogba is the only player to have recorded as many as 10 assists in the Premier League in 2021, while his seven assists in Man Utd’s opening four games is the most any player has registered in the first four matches of a Premier League season. Creator. pic.twitter.com/J1L9ZK1nrM

— OptaJoe (@OptaJoe) September 11, 2021

Ky numër është më shumë se çdo lojtar tjetër në historinë e kampionatit anglez që ka arritur ndonjëherë në kaq pak ndeshje, një rekord unik për francezin.

Francezi gjithashtu arriti shifra të dyfishta për vitin kalendarik, pasi me 10 asistime në vitin 2021 është i vetmi futbollist i Ligës Premier që e ka arritur këtë deri më sot. /Telegrafi/