Analistët komentojnë mundësinë e shtyrjes së zgjedhjeve për shkak të pandemisë
Në Kosovë muaji gusht është përcjellë me numër të lartë të infektimeve.
Situata epidemiologjike vazhdon të jetë e rëndë si për nga numri i shtrimeve në spitale ashtu edhe për nga numri i të vdekurve.
Sipas të dhënave zyrtare, gjatë muajit gusht në Kosovë janë shënuar 238 vdekje nga coronavirusi.
Në “Debat Plus” analistët kanë komentuar mundësinë nëse zgjedhjet mund të mbahen edhe në këtë situatë.
Dardan Gashi thotë se pandemia nuk është arsye për mbajtjen e zgjedhjeve të reja.
“Pyetja është se a do të duhet të ketë fushatë elektorale. Votimi është diçka tjetër, derisa fushata është tjetër gjë”.
Gashi thotë se edhe gjatë dy javëve të fundit ka pasur kandidat të caktuar që janë sjellë sikurse të mos kishte fare pandemi.
“Nëse partitë politike për një numër të caktuar votash rrezikojnë jetën e njerëzve, këto parti pikërisht nga këta njerëz duhet të ndëshkohen me votë”, shtoi tutje Gashi.
Imer Mushkolaj thotë se është absurde që kandidatët e caktuar të pretendojnë se do t’ua përmirësojnë jetën qytetarëve duke ua rrezikuar pikërisht jetën me infektime.
“Në këto zgjedhje nuk ka fare nevojë për tubime masive ku mund t’iu rrezikohet jeta qytetarëve. Takimet mund të jenë simbolike, dhe partitë të fokusohen në rrjete sociale”, tha ai, përcjell Telegrafi.
Mushkolaj thotë se procesi i votimit nuk është ndonjë problem, por sipas tij fushata paraqet problem.
“Qytetarët e Kosovës nuk duhet të japin vota për ato parti që rrezikojnë shëndetin e qytetarëve. Qytetarët për ndonjë arsye mund të jenë të detyruar të dalin në tubimet e partive politike, por ata vetë duhet t’i ndëshkojnë ato parti që ua rrezikojnë shëndetin”, tha Mushkolaj.
Ylli Hoxha thotë se është jo logjike që shkollat u janë ndaluar nxënësve, të mbahen tubime politike.
“Ne jetojmë në një kohë ku shumica e aktiviteteve politike mund të zëvendësohen me mjete alternative elektronike. Të shohim deri në tetor a do të ketë ulje të numrave, por nuk besoj se ja vlen të mbahen tubime elektorale”.
Hoxha thotë se njerëzit duhet të njoftohen me programet që kanë kandidatët, por sipas tij duhet të gjenden mënyra të përshtatshme.
Visar Ymeri thotë se fushata elektorale do ta vë në pah përgjegjësinë që do ta kenë kandidatët garues në zgjedhje për shëndetin e qytetarëve.
“Komunikimi me publikun nuk bëhet vetëm përmes fjalëve, por më shumë përmes veprave. Ne kemi parë fotografitë dhe videot e politikanëve gjatë verës, dhe ministrit të Shëndetësisë nëpër dasma, e tash kërkohem nga qytetarët të përmbahen”.
Ymeri thotë se qytetarët i shohin veprat e politikanëve dhe veprojnë si ata.
“Nëse një ministër shkon në dasma, qytetari thotë se “mbase jeta e tij nuk rrezikohet, nuk rrezikohet edhe e imja””, deklaroi tutje Visar Ymeri./Telegrafi/
Promo
Reklamo këtuLufta Prigozhin - Putin
Më shumëNga Rubrika
Haradinaj falënderon qytetarët që bënë homazhe në Gllogjan për 27 vjetorin e rënies së Luanit
Prokuroria jep akuzën zyrtare për Erdgys Arrazin, pas tragjedisë në Shkodër
Apasiev nuk do të mbështet Siljanovska-Davkova në zgjedhjet presidenciale, është i mundur bojkoti i heshtur
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Aktakuzë ndaj dy rusëve që u kapën në Jarinjë
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
Mickoski në VLEN, caktohet agjenda bashkëqeverisëse
Tentoi ta vriste për shkak se refuzoi të kryente marrëdhënie seksuale me të – Prokuroria nis hetimet për rastin në Fushë Kosovë
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'