Real Madridi beson se do të jetë pothuajse e pamundur të nënshkruajë me Mbappen

Një spekulim vazhdon të qarkullojë rreth së ardhmes së Kylian Mbappe, ku thuhet se një transferim i tij në Real Madrid tani duket i pamundur.

Mbappe është paraqitur për Paris Saint-Germain në fitoren e tyre 4-2 ndaj Brest të premten mbrëma.

Paraqitja e tij e fundit me klubin francez ka bërë që të besohet se transferimi i tij këtë verë në Bernabeu është i pamundur.

Lexo po ashtu Tamim Bin Hamad Al-Thani, njeriu kryesor në ‘operacionin’ e transferimit të Mbappes te Real Madridi

“Real Madridi e sheh nënshkrimin e Mbappes këtë verë si pothuajse të pamundur dhe ata nuk do ta konsiderojnë ta provojnë atë me Erling Haaland për shkak të komisionit që do të kërkonte agjenti i tij Mino Raiola”.

“Klubi mendon se Mbappe do të vijë vetëm nëse Emiri i Katarit lodhet prej tij, jo me oferta ose francezi duhet të zemërohet”, raportohet në ‘Tiempo de Juego‘ në mediumin Cadena COPE.

Lexo po ashtu "Lirojeni Mbappen" - bëhet virale në Twitter thirrja për francezin që e kërkon largimin nga PSG

Mbappe thuhet se ka shfaqur disa sinjale në media për të treguar se ai dëshiron të largohet, edhe pse ai nuk e ka komunikuar këtë mesazh publikisht.

Tifozët e Real Madridit shpresonin ta sillnin Mbappe në kryeqytetin spanjoll këtë verë si një nënshkrim historik, por tani mund të duhet të presin të paktën deri në afatin tjetër të transferimeve. /Telegrafi/