Pritjes së gjatë i ka ardhur fundi dhe Superliga e Kosovës po rikthehet në aksion.
Sot do të zhvillohen tri ndeshjet e para të xhiros së parë në elitën e futbollit kosovar.
E për fillimin e edicionit 2021/22 ka folur edhe presidenti i Federatës së Futbollit të Kosovës, Agim Ademi.
Nëpërmjet një mesazhi të gjatë, Ademi i ka uruar sukesese klubeve, futbollistëve, trajnerëve e gjyqtarëve.
Mesazhi i plotë nga Agim Ademi:
Të nderuar futbollistë, trajnerë, drejtues klubesh e sponsorë!
Të nderuar gjyqtarë, delegatë e vëzhgues!
Të dashur tifozë!
Sot po e nisim një tjetër edicion të ri të futbollit në vendin tonë. Pas një periudhe të gjatë me stadiume të boshatisura, tani na gëzon fakti se kampionatin e ri po e fillojmë me praninë e tifozëve në tribuna, ndonëse ende me numër të reduktuar si pasojë e pandemisë COVID-19.
Jam i lumtur që sot po nis një epokë e re në futbollin tonë, pasi të gjitha ndeshjet e Superligës do të luhen me sistemin VAR. Këtë projekt e nisa me përkushtim në fillim të vitit dhe ndonëse kishte zëra skeptikë për implementimin e tij, falë punës së shkëlqyeshme të të gjithë të përfshirëve në këtë projekt arritëm që në kohë rekord prej 6 muajsh ta marrim licencën nga FIFA për përdorim të VAR-it në edicionin e ri të garave. Kjo pa dyshim se është një e arritur e madhe e institucionit që e drejtoj dhe një mundësi për evoluim të mëtutjeshëm të futbollit tonë. Ky projekt do të jetë një ndihmesë e madhe për gjyqtarët, pasi do të shmangen gabimet gjatë kryerjes së detyrës së tyre në fushën e gjelbër.
Një tjetër fakt që e bën këtë edicion të veçantë është edhe pjesëmarrja e katër klubeve në garat evropiane nga edicioni i ardhshëm. Pra, tani krahas kampionit e nënkampionit, një vend në Evropë e siguron edhe pozita e tretë në Superligë, si dhe fituesi i Kupës. Kjo e bën garën dukshëm më interesante e më të paqartë, por njëherësh kontribuon edhe në rritjen e cilësisë.
Paraqitja e klubeve tona në garat e sivjetme evropiane dëshmoi se jemi në rrugën e duhur. Progresi është evident, por kjo nuk duhet të na kënaq. Duhet të vazhdojmë të rritemi qoftë në aspektin organizativ e infrastrukturor, e qoftë në aspektin e cilësisë së lojës së futbollit. Talentin dhe mundësitë i kemi, derisa në vullnetin dhe dëshirën e gjithsecilit që është pjesë e klubeve nuk e kam as më të voglin dyshim. Prandaj, së bashku mundemi dhe duhet ta çojmë futbollin tonë në një nivel më lart, për t’i dhënë një të ardhme edhe më të mirë kësaj loje magjike për brezat e rinj.
Gjatë kësaj vere edhe klubet kanë punuar intensivisht për t’u përgatitur sa më mirë për kampionatin e ri, por tani i mbetet fushës së gjelbër për të dëshmuar punën e secilit. Ne, si KE i FFK-së, kemi punuar në afrimin e sponsorëve të rinj, derisa kemi siguruar një kontratë joshëse për pakon e drejtave televizive të Superligës dhe Ligës së Parë, mjete të cilat në tërësi u takojnë klubeve. Gjithashtu, organet tona kanë punuar në përgatitjen e rregulloreve të reja dhe do të punojnë në vazhdimësi me zell e përkushtim për të qenë sa më korrekt në punën dhe vlerësimin e tyre.
Numri në rritje i rasteve me koronavirus na obligon që ta respektojmë në mënyrë strike protokollin shëndetësor për mbrojtje nga virusi. Pra, gjithsecili duhet të jemi të kujdesshëm për veten tonë dhe për njëri-tjetrin, pasi kjo do të na ndihmojë që në të ardhmen t’i rikthehemi më shpejtë normalitetit dhe stadiumet të jenë të mbushura me tifozë me kapacitet të plotë.
Uroj që në këtë edicion të mbizotërojë ‘fair-play’ dhe të kemi sa më shumë spektakël e emocione në stadiumet tona. Po ashtu, uroj që sa më shumë talente të dalin në sipërfaqe dhe të lënë gjurmët e tyre në këtë kampionat.
Edhe një herë urime dhe suksese të gjitha klubeve dhe të gjithë pjesëmarrësve në garën e futbollit!
Na priftë e mbara!
Me respekt,
Agim Ademi, president i FFK-së
/Telegrafi/
Promo
Reklamo këtuLufta Prigozhin - Putin
Më shumë"A u shit Yamal nga Barcelona te Betisi shkaku i krizës?", pamje që kanë lënë tifozët katalunas të shokuar
Liverpooli tashmë ka gjetur zëvendësuesin e Salah, luan te Real Madridi
Me listën e të nominuarëve tashmë publike: Kush është favoriti për Topin e Artë
HISTORIKE: Granit Xhaka nominohet për Topin e Artë
Pasoja për Viniciusin pas deklaratës së fundit, paralajmërohet largim nga Spanja
San Marino nuk është më kombëtarja më e dobët në botë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"A u shit Yamal nga Barcelona te Betisi shkaku i krizës?", pamje që kanë lënë tifozët katalunas të shokuar
Me listën e të nominuarëve tashmë publike: Kush është favoriti për Topin e Artë
Liverpooli tashmë ka gjetur zëvendësuesin e Salah, luan te Real Madridi
“I harxhonte lekët me gra të tjera, veprova në gjaknxehtësi”, dëshmia në polici e 30-vjeçarit që vrau babanë në një fshat të Durrësit
Kush janë aleatët kryesorë të Donald Trump në Evropë?
HISTORIKE: Granit Xhaka nominohet për Topin e Artë