Chelsea përgatit dy oferta të reja për Lukakun – njëra para plus lojtar, tjetra vetëm para të gatshme

Chelsea po përgatit dy propozime të ndryshme për Romelu Lukakun, njëra peshon 105 milionë euro plus shërbimet e mbrojtësit Davide Zappacosta, ndërsa tjetra 115 milionë euro, dhe mbetet për t’u parë nëse Interi do të pranojë.

Sipas mediumit Sky Sport Italia, negociatat përparuan sot mes dy klubeve pasi një ofertë e mëparshme prej 100 milionë eurosh plus Marcos Alonso u refuzua.

Interi shpreson të marrë 130 milionë euro para të gatshme për sulmuesin, ndërsa Chelsea po bën presion për të përfshirë një lojtar në shkëmbim të pjesshëm.

Lexo po ashtu Chelsea ofron 100 milionë euro dhe një lojtar për Lukakun

Me Alonson të nënvlerësuar, Zappacosta është përfshirë më shumë sesa kandidati tjetër Emerson Palmieri.

Eksperti i transferimit të Sky Sport Italia, Gianluca Di Marzio, pretendon se fituesit e Ligës së Kampionëve po paraqesin dy oferta të ndryshme këtë mbrëmje.

#Calciomercato | Ecco le due proposte a cui sta pensando il @ChelseaFC per convincere l'@Inter a lasciar partire #Lukaku https://t.co/PSaN2U6ZWC

— Gianluca Di Marzio (@DiMarzio) August 6, 2021

E para është 105 milionë euro plus shërbimet e Zappacostas, të cilën Interi është i prirur ta refuzojë, dhe tjetra është në vlerë prej 115 milionë euro kesh.

Kjo ofertë është ende e ulët në krahasim me propozimin e pritur prej 130 milionë eurosh dhe me rritjen e presionit ndaj Presidentit Steven Zhang, është e mundur që ai ende mund ta refuzojë atë, duke kërkuar më shumë. /Telegrafi/