Në Argjentinë kanë filluar të ëndërrojnë, ish-klubi i Messit me postim epik: Përshëndetje Zot, jam unë përsëri

Lionel Messi është kryefjala e titujve të mediave në mbarë botën.

Derisa pritej njoftimi zyrtar i Barcelonës për vazhdimin e kontratës së Messit, ka ndodhur krejtësisht e kundërta, ku klubi katalunas doli me njoftim se argjentinasi është larguar.

Ikona e Barcelonës nuk mund të vazhdoj, pasi e gjitha kjo për shkak të financave që Barcelona nuk mund ta regjistrojë.

Por derisa tifozët e Barcelonës janë në shok të vërtetë, në Rosario të Argjentinës ka filluar festa dhe ëndërrojnë rikthimin e madh të Messit në shtëpi.

Ka qenë klubi i fëmijërisë së Messit, Newell’s Old Boys që me një postim shaka ka ndezur gjithçka.

Faqja e klubit argjentinas ka shpërndarë postimin e Barcelonës dhe me një meme interesante ka shkruar: Përshëndetje Zot, jam unë përsëri”, ka shkruar faqja e Newll’s Old Boys që është bërë virale në Twitter.

https://t.co/Jgbr5Cnqwr pic.twitter.com/jLAyyC6Y5i

— Newell’s Old Boys (@Newells) August 5, 2021

Në një tjetër postim nga klubi argjentinas shihen tifozët në kulmin e lumturisë, sigurisht pas një goli të shënuar nga skuadra e tyre.

“Rosorio në këtë moment”, ishte mbishkrimi sipër kësaj foto fantastike të tifozëve argjentinas nga faqja zyrtare e klubit.

🔥 Rosario right now: https://t.co/E56m5TghIu pic.twitter.com/3ovXrmfEld

— Newell's Old Boys (@NewellsEnglish) August 5, 2021

Të gjithë në Argjentinë kanë filluar të ëndërrojnë rikthimin e Messit në shtëpi, edhe pse një gjë e tillë duket e pamundur.

Newll’s do të ketë nevojë për më shumë sesa vetëm fuqinë e lutjes nëse duan vërtetë Messin, pasi argjentinasi fitoi rreth 500 mijë euro në javë nga kontrata e fundit me Barcelonën.

Mediat e mëdha botërore po e shohin të ardhmen e Messit vetëm te PSG ose Manchester City, dy klube të fuqishme financiare të cilat nuk do ta kenë problem ta mbulojnë me para argjentinasin.

Gjithsesi në Argjentinë kanë filluar lutjet që Messi të rikthehet në shtëpi. /Telegrafi/