Iron Mike tregon se si do t’ia dilet ndaj boksierëve më në formë aktualisht

Me 44 nokaute dhe me 50 fitore gjatë karrierës, është fer të thuhet se Mike Tyson gjithmonë do të kujtohet si njëri ndër më të mirët në histori të boksit.

Fansat gjithmonë debatojnë se kush më i miri në sportin më luftarak në botë, Iron Mike apo Muhammad Ali.

Por, 55-vjeçari që u rikthye në ring kundër Roy Jones JR në vitin e kaluar, ka dhënë një mendim rreth boksierëve që janë aktiv dhe po tentojnë për titullin e kampionit në peshat e unifikuara.

Nga dyshja britanike Tyson Fury e Anthony Joshua, deri te Deontay Wilder, “The Baddest Man on the Planet’, ka treguar se si do të shkonte lufta me ta.

Mike Tyson vs Tyson Fury

“Në luftën e parë që shpresoja ta zhvilloja ishte Tyson Fury, gjithmonë tërhiqesha për të sepse ai ishte emëruar sipas meje, kjo është gjëja e natyrshme për të bërë, apo jo?”

“Ai mahniti shumë njerëz duke u ngritur. Ai tregoi se është i fortë, u ngrit dhe fitoi raundin e fundit. Mendova se kishte mbaruar, pastaj ai u ngrit dhe ishte si Rocky, ai më pas luftoi. Ishte e mahnitshme, më bëri një tifoz. Duhet forcë dhe besim i madh”.

Por, Tyson zbuloi se do të kishte mposhtur emnakun e tij nëse do ishte në kulmin e karrierës së tij – ndërsa pranoi se do të kishte qenë e vështirë.

Amerikani tha: “Dëgjo, nëse më pyet nëse do isha tani 20 vjeç, atëherë po, nuk ka dyshim. Ata janë vërtet luftëtarë të mirë dhe unë i respektoj të gjitha këto aftësi. Do të kishte qenë shumë e vështirë t’i luftoja ata”.

Mike Tyson vs Anthony Joshua

Në fillim të këtij viti, Tyson zbuloi: “Hej, më pëlqen shumë. A e dini se çfarë është ai? Ai me të vërtetë merr frymë me ajër të pastër”.

“Ai është vërtet i pastër, ai me të vërtetë duket i pastër, ai është një djalë i pastër, ai është një luftëtar i pastër, ai është një goditës i mirë. Ju vetëm dëshironi më të mirën për të”.

“Unë nuk e di. Egoja ime thotë, ‘askush nuk do të të rrahë’ – por ti shikoje atë dhe … ai thjesht duket mirë. Ai thjesht duket si një luftëtar, e dini? Ai duket se ka lindur për të bërë atë që duhet të bëjë. Ai ka nevojë për më shumë përvojë, natyrisht, por kjo do të vijë në jetë”.

Kur u pyet nëse do të mundte AJ apo Furyn, Tyson u përgjigj: “Po. Dëgjo, nëse më pyet nëse do isha 20 vjeç, atëherë po, nuk ka dyshim”.

“Ata janë vërtet luftëtarë të mirë dhe unë i respektoj të gjitha këto aftësi. Do të kishte qenë shumë e vështirë t’i luftoja ata”.

Tyson Fury vs Deontay Wilder

Wilder pohoi: “Unë kundër Tyson në vitet ’86, unë do ta dëboja dreqin nga ai djalë”.

“Dëgjo, më duhet ta them të vërtetën. Unë e di që njerëzit gjithmonë kthehen në shkollën e vjetër ose shikojnë shkollën e re dhe nuk ka shkollë ku nuk jam numër një në këtë tokë”.

Duke iu përgjigjur atyre komenteve para humbjes së tij të fundit nga Fury, Tyson ishte diplomatik, duke thënë: “Unë nuk e di [nëse do ta mundja]”.

“Më pëlqen fakti që ai mendon kështu, sepse kështu do të mendoja edhe unë. Ai supozohet të mendojë në atë mënyrë, ai është kampioni i botës në peshën e rëndë dhe kjo është diçka shumë e veçantë”. /Telegrafi/