Chelsea e do Lukakun, por Interi e ‘tremb’ me çmimin e kërkuar

Romelu Lukaku mbetet në radarët e anglezëve të Chelseat, por Interi nuk është i hapur për shitje nëse nuk marrin një ofertë që tejkalon shifrën 120 milionë eurove.

Interi tashmë e ka shitur Achraf Hakimi te PSG për 71 milionë euro dhe nuk po planifikon të shesë një tjetër yll të tyre për të mbajtur librat të ekuilibruar.

Gazeta Tuttosport konfirmon se Nicolo Barella, Alessandro Bastoni dhe Lukaku janë ‘pothuajse të paprekshëm’ dhe është e vështirë të mendosh se ata do të largohen nga Giuseppe Meazza gjatë verës.

Lexo po ashtu Chelsea është i vendosur të nënshkruajë me një sulmues të madh – tre emra në listë, secili më vështirë i arritshëm

Sidoqoftë, Chelsea është në kërkim të një sulmuesi të ri dhe nëse nuk arrin të transferojë Erling Haaland nga Borussia Dortmund, atëherë ata do të konsiderojnë një ofertë për sulmuesin e Interit, Lukaku.

Reprezentuesi belg luajti në Stamford Bridge në sezonin 2011-12 dhe në fillim të sezonit 2013-14, përpara se të përfundonte një lëvizje huazimi në Everton.

Lexo po ashtu Conte: Lukaku është njëri nga sulmuesit më të mirë në botë

Interi nuk dëshiron ta shesë atë dhe Lukaku nuk dëshiron të largohet, por sipas gazetës italiane, kampionët e Serie A mund të konsiderojnë një të ardhme tjetër për sulmuesin e tyre nëse marrin një ofertë që tejkalon shifrën e 120 milionëve.

28-vjeçari belg është me pushime dhe pritet të kthehet në Milano në fillim të javës së ardhshme për t’iu bashkuar ekipit në përgatitjet para-sezonale. /Telegrafi/