Festa e Kurban Bajramit është festë që duhet të kremtohet me të gjithë njerëzit, pa dallim, tha të martën imami Labinot Maliqi, i cili priti në xhaminë e tij ambasadorin amerikan në Kosovë, Philip Kosnett, si dhe përfaqësues të institucioneve dhe besimeve të ndryshme.
Imami Maliqi, që udhëheq xhaminë “Bedri Kamberi” në Lagjen e Spitalit në Prishtinë, tha se shpreson që ky të mos jetë takimi i fundit i këtij formati.
Sipas tij, festa e Kurban Bajramit nënkupton afrimin me Zotin.
“Vetë shprehja kurban nënkupton që të sakrifikosh diçka, në mënyrë që të afrohesh me Zotin. Festa e Kurban Bajramit festohet që shumë shekuj në trojet tona. Është një festë që besimtari nuk e kremton vetëm me myslimanët, por është një festë që në gëzimin tonë dëshirojmë të ftojmë edhe njerëz të besimeve të tjera”, tha Maliqi.
Ambasadori i Shteteve të Bashkuara në Kosovë, Phlilip Kosnett, tha se prania e besimeve të ndryshme në këtë drekë të shtruar nga imami Maliqi, është një mesazh i qartë për tolerancën fetare në Kosovë.
“Nuk jam këtu të mbaj fjalim dhe të flas për çështje ndërkombëtare, jam këtu me ftesën e imamit Maliqi. Është nder i madh për mua që në këtë ditë feste të jem këtu i rrethuar nga vëllezërit dhe motrat, nga besimtarët. Ta falënderojmë Zotin dhe rikujtojmë të gjitha gjërat që na bashkojnë”, tha Kosnett.
Të pranishëm në këtë takim ishin edhe përfaqësues të Kishës Katolike në Kosovë dhe përfaqësues të Kishës Ortodokse.
“Siç është fjala popullore ‘kur gëzimi ndahet, rritet’ ne dëshirojmë që këtë gëzim të festës ta ndajmë me të gjithë besimtarët e komunitetit e fesë islame që sot festojnë Kurban Bajramin”, tha Don Mikel Sopi, nga Kisha Katolike e Kosovës.
Përveç prijësve fetarë, të pranishëm ishin përfaqësues të Policisë së Kosovës dhe Avokati i Popullit, Naim Çelaj.
Ky është Bajrami i katërt që shënohet në kushte pandemie.
Qindra besimtarë e falën sot festën brenda dhe jashtë Xhamisë së Madhe në Prishtinë.
Një ditë më herët, myftiu i Kosovës, Naim Tërnava, u bëri thirrje qytetarëve që të kenë kujdes dhe t’i respektojnë masat kundër koronavirusit.
Bajrami u fal edhe në xhami të tjera të Kosovës.
Lufta Prigozhin - Putin
Më shumëTë shtëna me armë në Lupç të Podujevës, katër të plagosur
Kosova pranë anëtarësimit në KiE, Bakoyannis: Asnjë kandidati nuk i janë kërkuar kaq shumë reforma
Hyn në fuqi marrëveshja, Shqipëria dhe Kosova heqin kontrollet në kufij për nëntë muaj
Hapet segmenti tre kilometra që lidhet me Urën e Kukësit, ura hapet plotësisht brenda qershorit
Kurti takon tri nënkryetaret serbe, konsultohet për lirinë e asocimit të komunave në veri
Gjykata Speciale, përfundon dëshmia e dëshmitarit të 60-të, gjykimi në ndaj Thaçit dhe të tjerëve rinis më 6 maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës