DJ i famshëm botëror, Martin Garrix, ka në diskografinë e tij dy bashkëpunime shumë të suksesshme me dy artiste shqiptare.
Bëhet fjalë për “In The Name Of Love”, bashkëpunim i vitit 2016 me artisten Bebe Rexha dhe “Scared To Be Lonely”, në vitin 2017 me të famshmen Dua Lipa.
Martin Garrix, në një intervistë ekskluzive për Telegrafin, ka folur së fundmi mbi këto dy bashkëpunime, të cilat kanë rezultuar shumë të suksesshme ndër vite.
“Ishte e mahnitshme të punoja me të dyja. Ato janë kaq të talentuara dhe absolutisht po e çajnë tregun botëror. Jam super krenar që kam këngë me të dyja”, ka thënë DJ me prejardhje holandeze për Telegrafin.
Ndërkohë, i ngacmuar me pyetjen se cilën do zgjidhte si më të mirën mes këtyre dy këngëve, Garrix iu shmang përzgjedhjes me mjaft diplomaci.
“Kjo është si të zgjedhësh mes dy fëmijëve, i dua të dy këto bashkëpunime”, është shprehur Martin për Telegrafin.
I njëjti gjatë intervistës, ka folur gjithashtu edhe për eksperiencën e tij të fundit në Kosovë, kur në vitin 2018 erdhi për të performuar për festivalin “Sunny Hill”.
View this post on Instagram
“Sunny Hill ishte një festival kaq i mahnitshëm dhe Kosova është vërtet e bukur. Mezi pres të kthehem në turne dhe më në fund të jem në gjendje të festojmë së bashku përsëri”, ka thënë Garrix.
Martin përndryshe së fundmi ishte edhe kompozitori i këngës zyrtare të kampionatit Euro 2020, duke realizuar këngën me titull “We Are The People” në bashkëpunim me grupin e faamshëm U2. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251