Pema gjigante bie mbi kulmin e shtëpisë së një familje amerikane, degët e saj për pak sa nuk përfundojnë mbi shtratin e djaloshit 5-muajsh

Courtney dhe Kale Buchholtz sapo kishin vënë në shtrat djalin e tyre 5-muajsh Cannon dhe ata vetë ishin ulur në divan pranë tij, kur befasisht dëgjuan një zhurmë të madhe dhe murin që po shembej brenda shtëpisë në Prairieville të Louisiana.

Ata fillimisht menduan se prona e tyre u godit nga rrufeja, por kur Courtney zbriti poshtë dhe pa se shtëpia ishte shkatërruar dhe se në dhomën e djalit të tyre kishte përfunduar një pemë gjigante, e cila pasi ishte shembur kishte rënë mbi kulm duke e shkatërruar dhe degët e saj për pak centimetra ranë pranë shtratit, transmeton Telegrafi.

“Kur pashë pemën nuk mund ta kuptoja se çfarë po ndodhte. Vetëm të mendosh se pema ka mundur të mbys fëmijën e juaj është neveritëse e lëre më të jeni dëshmitar i një rasti të tillë”, ka thënë në Good Morning America, Courtney Buchholtz.

Megjithatë pasi e dëgjuan djalin e tyre duke qarë, u qetësuan paksa pasi e kuptuan se është gjallë – kështu menjëherë vrapuan për ta marrë.

Vogëlushi mrekullisht shpëtoi pa asnjë gërvishtje, ndërsa gjithçka u filmua nga kamera e sigurisë që kapi momentin kur degët e pemës për pak sa nuk përfundojnë mbi shtratin e djaloshit të vogël. /Telegrafi/