Lukaku: Jay-Z më ka mësuar se si të qëndroj në maja, si të bëhem fitues

Sulmuesi i Interit, Romelu Lukaku, ka thënë se reperi Jay-Z e mësoi se si të qëndroj në maja, si të bëhem fitues.

Sulmuesi belg u transferua në Inter në verën e vitit 2019 dhe që atëherë ka shënuar 64 gola në 95 ndeshje konkurruese me Nerazzurrët.

Ai e ndihmoi klubin të arrinte Finalen e Ligës së Evropës në sezonin e tij të parë dhe më pas e ndihmoi skuadrën të fitonte Scudetton e tyre të parë në 11 vjet me 24 gola në 36 ndeshje të Serisë A.

Lexo po ashtu Lukaku zgjidhet më i miri në Serie A – belgu nuk harron t’i falënderojë personat kyç

Lojtari 28-vjeçar foli për miqësinë e tij me reperin Jay-Z dhe se si amerikani e ndihmoi atë të qëndronte i duruar dhe të punonte shumë për synimet e tij.

“Muzika është një mënyrë për ta mbajtur veten të lidhur me vështirësitë që kam kaluar në jetën time”, deklaroi Lukaku për La Gazzetta dello Sport. “Me gjithë përvojën time”.

“Është shumë e rëndësishme: jo vetëm një hobi, por një pjesë e imja. Miqësia ime me Jay-Z? Ai më mësoi se si të qëndroj në maja, si të bëhem fitues”.

Lexo po ashtu Agjencia e Jay-Z po e pushton botën e futbollit – disa nga lojtarët më të mirë janë tashmë pjesë e saj

“Më kujtohet kur ai më tha: ‘Nëse vërtet mendon se Interi është hapi që duhet të bësh për të fituar, bëje’. Gjatë vitit tim të parë, unë dhe shokët e mi të skuadrës ishim afër suksesit, por në sezonin e fundit ia dolëm me punë, durim, djersë dhe sakrifica”.

“Vetëm mënyra se si më kishte treguar Jay”, ka shtuar më tej Lukaku. /Telegrafi/