Nga ngjyra e Facebookut e deri të rrobat e njëjta që i vesh, gjëra interesante që mund të mos i keni ditur për Mark Zuckerbergun
Mark Zuckerberg, themelues i Facebook, së fundmi ka mbushur 37 vjet. Analistët besojnë që Zuckerberg në një moment do të jetë personi më i pasur në botë. Deri atëherë, pasuria e tij vlerësohet të jetë 110 miliardë dollarë.
Si student kur filloi Facebookun, Mark Zuckerberg as në ëndrrat e tij nuk ka mundur të paramendoj që si 37-vjeçar do ta drejtojë kompaninë, vlera e të cilës kap shumën e miliarda dollarëve, transmeton Telegrafi.
Për Zuckerbergun, njërin nga njerëzit më të pasur në botë, analistët konsiderojnë që ekziston mundësia që ai në një të ardhme të afërt të jetë edhe më i pasur – për faktin që ndikim të madh ka në nivel global Facebook, Instagrami dhe WhatsApp.
Gjatë viteve për Zuckerbergun janë publikuar artikuj të ndryshëm, madje është realizuar një film për të – por edhe përkundër që dihet shumë për të – disa detaje janë të panjohura.
Këto janë disa nga gjërat interesante për shefin e Facebook, që ueb-faqja Zimo i ka përmbledhur.
Ngjyra e Facebook është e kaltër pasi që Zuckerberg është daltonist. Ai nuk i dallon nuancat e ngjyrës së kuqe dhe të gjelbër, dhe më së miri e dallon të kaltrën e pikërisht për këtë arsye dominon kjo ngjyrë në rrjetin e tij social.
Mark njihet për sfidat e tij vjetore. Derisa shumë mendojnë për zgjidhjet e Vitit të Ri dhe planet për ndryshim në jetë, Zuckerberg çdo vit i ka dhënë vetes nga një detyrë (sfidë) që do të duhej ta implementonte gjatë vitit.
Kështu një vit vendosi të njoftohet me njerëz që nuk ishin pjesë e Facebookut, më pas kërkoi që çdo ditë të merret me kodim, e një prej sfidave ishte që çdo javë të lexojë nga një libër.
E pas krizës së madhe ekonomike të vitit 2009, vetes i dha një mision interesant – vendosi të bartë kravatë çdo ditë. Me këtë lëvizje ka dashur që të gjithëve në Facebook por edhe jashtë kompanisë, t’i tregojë se është bërë mjaft serioz dhe se mund të drejtojë kompaninë e madhe edhe në momentet e vështira.
“Kravata ime është simbol se sa serioz dhe i rëndësishëm është ky vit”, pati thënë Zuckerberg në një intervistë ku asokohe ishte vetëm 24-vjeç.
Ashtu sikur Steve Jobs ishte i njohur për xhinset dhe bluzën e zezë, njëjtë njihet Zucerkberg për xhinset dhe bluzën pa mëngë.
Gjatë një konference të organizuar vite më parë, Zuckerberg i është përgjigjur pyetjeve të vizitorëve duke shpjeguar se pse gjithmonë i vesh rrobat e njëjta.
Me këtë rast shpjegoi se nuk dëshiron të shpenzojë energji në gjëra të parëndësishme – duke u fokusuar në mënyrën më të mirë që mund t’i shërbej komunitetit.
Në vend që të mendoj për kombinimet e rrobave kur e hap dollapin, në të gjenden dhjetëra rroba por që janë të njëjta, përkatësisht bluza të njëjta pa mëngë – kështu nuk ka nevojë të humb energjinë duke u marrë me gjëra që për të janë të parëndësishme.
Themeluesi i Facebookut, së fundmi në rrjetin e tij social ka publikuar fotografinë e dhive të tij, e në veçanti një prej tyre kishte emër interesant.
Njërën e kishte quajtur Max e një tjetër Bitcoin, kështu shumë konsiderojnë se ishte një mesazh përkrahës për këtë kriptovalutë – apo ndoshta ka dashur t’ia bëjë me dije opinionit që edhe ai posedon bitcoin.
Në rini, Zuckerberg kishte dy nofka interesante, si i vogël e ëma e thërriste Princley, kurse në Harvard mori nofkën Slayer.
Si 12-vjeçar zhvilloi “ZuckNet”, platformën e komunikimit për ordinancën e babait që punonte si dentist, e që për të biseduar e përdornin edhe anëtarët e tjerë të familjes. /Telegrafi/
Promo
Reklamo këtuLufta Prigozhin - Putin
Më shumëKurse falas të AI, ato ofrohen nga Harvard, Google – Microsoft e shumë kompania tjera
Elon Musk thotë se “ka një arsye” pse ai zgjodhi datën 8 gusht, si ditën e lansimit të robotaksit Tesla
Përdoruesit e iPhone ankohen se nuk po u aktivizohet alarmi, Apple premton se po punon për rregullimin e problemit
Rivali i ChatGPT, Claude, po sjell chatbot-in me Al në iPhone
Counter-Strike 2 vjen me një veçori të cilën fansat e kishin kërkuar që nga dita e parë
Kush po investon më shumë në Evropë në inteligjencën artificiale?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit