Guardiola pas fitores ndaj PSG-së: Jam krenar me kualifikimin në finale, lojtarët e merituan

Pep Guardiola ka folur pas fitores së Manchester Cityt ndaj Paris Saint-Germain në ndeshjen kthyese gjysmëfinale dhe kalimit në finalen e madhe të Ligës së Kampionëve.

City ka triumfuar me rezultat 2-0 në Etihad ndaj Cityt falë dy golave të Riyad Mahrez dhe ka siguruar kalimin në finalen e madhe me rezultat të përgjithshëm 4-1.

Triumfi në ndeshjen kthyese dhe kalimi në finale e kanë bërë të lumtur trajnerin Guardiola, i cili ka lavdëruar lojtarët për arritjen e madhe.

Lexo po ashtu Manchester City eliminon PSG-në, shkruan historinë duke kaluar për herë të parë në finale të Ligës së Kampionëve

“Është finalja e parë evropiane për të gjithë ne dhe klubin. Jam tepër krenar dhe mendimet e mia të para janë me lojtarët që nuk luajtën sot. Ata të gjithë meritonin të luanin, të gjithë kanë dhënë një kontribut dhe tani është koha ta shijojmë atë”, ka thënë fillimisht Guardiola pas ndeshjes.

“Ne duhet ta fitojmë kampionatin dhe kemi dy ose tre javë për t’u përgatitur për finalen”.

Relive a historic night as we booked our place in the Champions League final! 🏆💙

🔷 #ManCity | https://t.co/axa0klD5re

— Manchester City (@ManCity) May 4, 2021

“PSG vendosi shumë lojtarë në mes, ne luftuam shumë në pjesën e parë për presionin e lartë dhe ndryshuam në pjesën e parë”.

“Ne e ri-gjetëm topin më mirë në pjesën e dytë dhe ishim shumë më mirë në mënyrën se si kemi luajtur. 4-1 në tërësi kundër një ekipi që mundi Barcelonën dhe Bayerni do të thotë shumë për ne”.

Lexo po ashtu Notat e lojtarëve, Mancheser City 2-0 PSG: Mahrez lojtar i ndeshjes

“Luftuam së bashku dhe jemi në finale të Ligës së Kampionëve dhe këto janë fjalë të këndshme. Njerëzit besojnë se është e lehtë të shkosh në finalen e Ligës së Kampionëve”.

“Kalimi në finale tani bëhet kuptimi i asaj që kemi bërë në katër ose pesë vitet e fundit. Çdo ditë këta njerëz kanë qenë të qëndrueshëm dhe kjo është e jashtëzakonshme”, përfundoi trajneri i Cityt. /Telegrafi/