Befasia e madhe vjen nga Peja: Besa ia merr një pikë Dritës

Besa e ka ndalur befasisht Dritën në kuadër të javës së 31-të në Superligën e Kosovës, me rezultat 1-1.

Skuadra nga Peja e filloi më mirë takimin, pasi qysh në minutën e 19-të, kaluan në epërsi me anë të Ardi Tahirit që shënoi me kokë.

Kampioni në fuqi më pas tentoi t’i barazonte shifrat në 1-1, por pa ndonjë rrezik për portën e vendasve në 45 minutat e parë.

Në pjesën e dytë, Drita ishte e vendosur mjaftë mirë në sulm dhe ia doli që të barazonte rezultatin.

Ishte minuta e 62-të, kur Betim Haxhimusa i barazoi shifrat, pasi shfrytëzoi një harkim të Ilir Blakçorit, duke shënuar me kokë.

Skuadra nga Gjilani mori motiv të madh nga ky gol dhe krijoi dy shanse të mira për gol, por dështuan lojtarët t’i konetizonin.

Ishte Xhevdet Shabani (64’) dhe Ardian Limani (68’), që dështuan të shënonin në shanset e mira.

Drita ishte më pas shumë me fat, pasi goditja e Etnik Brrutit në minutën e 73-të, u ndal nga traversa.

Pas javës së 31-të, Drita ka rënë në vendin e tretë me 65 pikës, një më pak se Prishtina në të dytin dhe dy më pak se Ballkani, që është lider, derisa Besa në të fundit me 11 sosh. /Telegrafi/