Vdekja e Maradonas mund të shmangej dhe përgjegjësitë do t’u atribuohen mjekëve – thuhet në raportin mjekësor të caktuar nga gjykata

Vdekja e Diego Armando Maradona në 25 nëntor 2020 shokoi botën e futbollit. Legjenda argjentinase ndërroi jetë në moshën 60 vjeçare.

Ai ishte shtrirë në spitalin La Plata më 2 nëntor 2020 dhe fillimisht ishte thënë se për arsye psikologjike. Mirëpo, vetëm një ditë më pas iu nënshtrua ndërhyrjes kirurgjike në tru për të trajtuar një hematomë subdurale.

Pas operacionit që u quajt i suksesshëm, ai u lëshua në shtëpi më 12 nëntor dhe mbikëqyrej nga mjekët ambulantorë. Por, më 25 nëntor 2020, në moshën 60 vjeçare, Maradona pësoi një sulm në zemër dhe vdiq në shtëpinë e tij në Dique Lujan të Buenos Airesit në Argjentinë.

Lexo po ashtu Zbulohen detaje të reja nga vdekja e 'keqe' e Maradonas: Atij iu dha birrë dhe marihuanë në ditët e fundit të jetës

Vdekja e tij nxiti kundërthënie të shumta dhe tash në bazë të një raporti mjekësor – të transmetuar nga SportMediaset – vdekja e legjendës ka mundur të shmangej.

View this post on Instagram

A post shared by Sport Mediaset (@sportmediaset)

Vdekja e Diego Armando Maradonas ishte “e shmangshme” dhe përgjegjësitë për vdekjen e ‘Pibe de Oro do t’i atribuohen drejtpërdrejt neurokirurgut Leopoldo Luque dhe psikiatres Agustina Cosachov, të cilët tani rrezikojnë të akuzohen për vrasje pa dashje.

Kjo është ajo që doli nga raporti mjekësor i kryer nga komisioni i caktuar nga gjyqësori për të hedhur dritë mbi vdekjen e ikonës, mes lëshimeve potenciale për ofrimin e ndihmës dhe neglizhencës së përgjithshme. /Telegrafi/