Spinaqi ndihmon në krijimin e baktereve të shëndetshme të zorrëve

Pavarësisht nëse e fusni në sosin pesto, e përgatitni në një tigan me vaj ulliri dhe hudhër, ose e bashkoni në një sallatë plot me arra dhe boronicë, spinaqi është një shtesë e shijshme në dietën tuaj.

Ushqimi i gjelbër me gjethe është i pasur  me vitamina, minerale dhe antioksidantë, duke e bërë atë nxitësin e përsosur të lëndëve ushqyese. Është gjithashtu një burim i shkëlqyeshëm i fibrave, i cili promovon një sistem të shëndetshëm tretës.

Por fibrat nuk janë e vetmja arsye që spinaqi mund të ndihmojë në shëndetin tuaj të tretjes. Një studim i fundit i botuar në The ISME Journal zbuloi se zarzavatet e tilla si spinaqi dhe marulet nxisin rritjen e baktereve të dobishme në zorrë. Arsyeja? Këto perime natyrshëm posedojnë  sulfokinovozë (SQ), një sheqer që përmban squfur. Spinaqi në veçanti përmban sasi të bollshme të SQ. Kur bakteret e specializuara në zorrë prishin këtë sheqer kompleks, ato lëshojnë sulfur hidrogjeni, një gaz që është i njohur për erën e keqe. Me fjalë të tjera, kjo mund të jetë arsyeja që ndiheni të gazuar pasi keni ngrënë zarzavate me gjethe.

Gjatë studimit, mikrobiologët nga Universiteti i Vjenës dhe Universiteti i Konstanz analizuan mostrat e jashtëqitjes nga tetë vullnetarë vegjetarianë. Bazuar në nivele të larta të aktivitetit qelizor pasi SQ ishte fermentuar, shkencëtarët përcaktuan që ‘Eubacterium rectale’ përdori sheqerin kompleks për rritje. Kjo nënkupton që SQ nxit rritjen e ‘Eubacterium rectale’ në zorrë dhe shkakton gazra me erë.

Studiuesit i vlerësuan këto gjetje të rëndësishme dhe befasuese, sepse studimet e mëparshme kanë treguar se produktet e qumështit me shumë yndyrë dhe mishi janë burimet kryesore të gazit me erë të keqe.

Tani, zarzavatet me gjethe mund të shtohen në listën e ushqimeve që krijojnë gaz. Është e rëndësishme të mbani mend se gazi është normal! /Telegrafi/