Ronaldo mungon ndaj Atalantas, Juventusi ka rekord të tmerrshëm pa portugezin në skuadër

Juventusi përballet me Atalantën sot (e diel) pa Cristiano Ronaldon e dëmtuar, por Zonja e Vjetër fitoi vetëm dy ndeshje nga gjashtë me sulmuesin jashtë fushe këtë sezon.

Zonja e Vjetër udhëton drejt Atalantas për ndeshjen në Stadiumin Geëiss, në një ndeshje shumë të vështirë për ekipin e Andrea Pirlos.

Ronaldo nuk do të jetë në dispozicion për herë të shtatë këtë sezon, por Zonja e Vjetër ka fituar vetëm dy ndeshje pa yllin portugez këtë sezon.

Lexo po ashtu Juventusi me disa mungesa ndaj Atalantës

Ish-ylli i Real Madridit humbi katër ndeshje në tetor kur doli pozitiv me COVID-19 dhe në atë kohë Juve pati rekord të tmerrshëm pa sulmuesin.

Juventusi mundi Dinamo Kyiv me rezultat 2-0, humbi 2-0 në shtëpi kundër Barcelonës në Ligën e Kampionëve dhe mori dy barazime 1-1 kundër Crotone dhe Hellas Verona në Serie A.

Ronaldo u pushua kundër Beneventos më 28 nëntor kur Zonja e Vjetër luajti baras 1-1, ndërsa në ndeshjen e Coppa Italias kundër SPAL-it të Serie B në janar fituan 4-0.

Sulmuesi portugez ka shënuar tre gola në pesë ndeshje kundër Atalantas, por humbi ndeshjen e sezonit të kaluar në udhëtim shkaku i një dëmtimi në gju.

Ai shënoi golin e barazimit që doli nga stoli në ndeshjen e tij të parë të luajtur në Bergamo në dhjetor të vitit 2018. /Telegrafi/