William dhe Harry nuk do të ecin krah për krah pas arkivolit të gjyshit të tyre kur ai të prehet nesër (e shtunë).
Vëllezërit e larguar do të jenë të dy pjesë e kortezhit që do të përcjellë trupin e Dukës së Edinburgut, shkruan DailyMail.
Por ata do të ndahen nga kushëriri i tyre, Peter Phillips. Dhe kur arkivoli të futet në Kapelën e Saint George në Kështjellën Windsor, William do të lëvizë përpara vëllait të tij më të vogël ndërsa ata zënë vendet e tyre veç e veç.
Kthesa e jashtëzakonshme e ngjarjeve do të shihet nga disa si një mundësi e humbur për të treguar unitetin e familjes pas vdekjes së Princit Filip. Të tjerët vunë në dyshim nëse princërit po mbaheshin larg qëllimisht me kërkesën e tyre.
Por një zëdhënës i Pallatit Buckingham tha: “Ky është një funeral [dhe] ne nuk do të tërhiqemi nga ato perceptime të dramës. Marrëveshjet janë rënë dakord dhe pasqyrojnë dëshirat e Madhërisë së saj”.
Ajo erdhi ndërsa detajet e varrimit ceremonial të Princit Philipit, i cili do të zhvillohet nesër (e shtunë) në 15:00, u bënë publike. Këto përfshinin:
- Mbretëresha do të mbajë një maskë, do të ulet e distancuar nga familja e saj dhe do të ndjekë arkivolin e burrit të saj në një veturë Bentley.
- Kongregacioni prej 30 vetash përbëhet nga të gjithë fëmijët dhe nipërit e Philipit, bashkëshortët dhe të afërmit e tyre të ngushtë, duke përfshirë djalin e Princeshës Margaret, Konti i Snowdon;
- I vetmi anëtar jo-familjar i grupit është shoqja e ngushtë e Mbretëreshës, Penny Knatchbull;
- Mbretërorë të tjerë, duke përfshirë dukeshën e Kentit nuk janë ftuar pasi rregullat e COVID, shkatërruan një listë prej 1000 emrash që ishin paraparë të merrnin pjesë.
- Një veturë e markës ‘Land Rover’ u krijua posaçërisht nga duka për të mbajtur arkivolin e tij.
William dhe Harry, 36 vjeç, u panë për herë të fundit në publik së bashku në një shërbim të Ditës së Komonuelthit në mars të vitit të kaluar, ku ata mezi mund të shikonin njëri-tjetrin në sy pas ndarjes së hidhur të Harryt dhe Meghanit nga Familja Mbretërore.
Marrëdhëniet u acaruan më tej nga intervista shpërthyese e çiftit me Oprah Winfreyn muajin e kaluar, në të cilën ata sulmuan Familje Mbretërore, duke hedhur akuza për racizëm, ndërsa Philip, i cili vdiq të premten në moshën 99 vjeçare, në atë kohë ndodhej në spital.
Ishte shpresuar në heshtje që humbja e gjyshit të tyre të dashur, të cilin të dy burrat e donin shumë, mund të fillonte procesin e afrimit.
Nesër ka të ngjarë të jetë veçanërisht e vështirë për vëllezërit pasi do të zgjojë kujtime se duhet të ecnin pas arkivolit të nënës së tyre kur ishin vetëm 15 dhe 13 vjeç.
Por sot biografi mbretëror Hugo Vickers tha se Peter Phillips, nipi i madh i Philipit, mund të jetë zgjedhur qëllimisht për të ndihmuar dy kushërinjtë e tij më të vegjël të gjejnë një rrugë përpara në marrëdhëniet e tyre, e cila është acaruar keq vitin e kaluar.
Ai tha: “Peter Philips ishte jashtëzakonisht i mirë me djemtë kur Diana vdiq, kështu që mendoj se do të jetë shumë mirë për ta. Ndonjëherë mendoj se kur njerëzit sillen shumë mirë në publik, gjë që unë mendoj se do ta bëjnë, e kanë më të lehtë të sillen më mirë privatisht. Princi Philip dhe Mbretëresha ishin pajtues tërë jetën kështu që jam i sigurt se kjo është ajo që ai do të dëshironte”.
William dhe Harry do të jenë në mesin e nëntë anëtarëve të familjes që do të ecin pas arkivolit të Philip, duke lënë hyrjen e Sovranit në Kësthjellën Windsor në orën 2:45 pasdite.
William, 38, dhe Harry do të ecin në rreshtin e tretë të vajtuesve, me kushëririn e tyre Peter Phillips mes tyre, prapa katër fëmijëve të Mbretëreshës.
Procesioni do të drejtohet nga Princi i Uellsit dhe motra e tij, Princesha Anne, e ndjekur nga Princi Edward dhe Princi Andrew. /Telegrafi/
Promo
Reklamo këtuLufta Prigozhin - Putin
Më shumëErjolën e hedhin në mes të natës në pishinë, i ekspozohen pjesët intime
Zbulohet finalisti i parë i Big Brother VIP Albania
Larg Meritonit me pushime në Itali, turisti e pyet a je e famshme? - Ilnisa Agolli jep përgjigjjen interesante
U përfol se u ndanë për të shpëtuar pasurinë, Bes Kallaku jep përgjigjjen përfundimtare
“Ka shitur veten, si mund ta godasësh një njeri që e ke xhan” - Romeo dhe Heidi të zhgënjyer nga Egla
Ndërsa ajo dhe Bardhi presin fëmijën e tyre të parë, Sara Gjordeni befason me veprimin e fundit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak