‘The Rock’ është duke e menduar seriozisht kandidaturën për president të SHBA-ve

Aktori i famshëm amerikan, Dwayne ‘The Rock’ Johnson, nuk e hedh poshtë mundësinë e kandidimit për president të Shteteve të Bashkuara të Amerikës në zgjedhjet e ardhshme.

Në një sondazh të publikuar nga NewsWeek, i cili është realizuar në internet dhe kanë marrë pjesë 30.138 të anketuar, 46 për qind e tyre kanë votuar pro që 48-vjeçari të kandidojë për Shtëpinë e Bardhë.

Pas publikimit të këtij lajmi, nuk kishte munguar edhe reagimi i ish-yllit të mundjes spektakolare dhe futbollit amerikan, i cili ka thënë se nëse diçka e tillë ndodh ndonjëherë, ai do të ishte i nderuar që t’i shërbente popullit amerikan.

View this post on Instagram

A post shared by therock (@therock)

Ky lajm nuk është befasues për ‘The Rock’, sepse ylli hollivudian edhe në të kaluarën ka thënë se është duke menduar që të merret me politikë, në veçanti që të garojë për president.

Lexo po ashtu Dwayne "The Rock" Johnson mbështetet nga 46 përqind e amerikanëve për t'u bërë President

Që në vitin 2017, Johnson kishte deklaruar se po e shqyrton si mundësi reale kandidaturën e tij.

“Mendoj se tash jam në një pozitë kur fjala ime ka vlerë dhe ndikim të madh”, kishte thënë asokohe ‘The Rock’, i cili pas sondazhit të fundit është duke e menduar seriozisht opsionin e përfshirjes në politikë.

Njëherësh, ai nuk ka hezituar t’i tregojë qëndrimet e veta politike, pasi në verën e vitit të kaluar e kishte kritikuar udhëheqësinë e Donald Trumpit dhe angazhimin e tij lidhur me pandeminë e coronavirusit. /Telegrafi/