Infektologu Ramadani: Gabim profesional dhënia e vaksinës antiCOVID-19 pa test paraprak
Vaksinimi i qytetarëve të Kosovës ka filluar javën e kaluar me personelin shëndetësor, ndërsa nga sot vaksinimi antiCOVID-19 ka filluar edhe personat mbi 85 vjeç, për të vazhduar më pas edhe me grup-moshat tjera.
Mirëpo, vaksinat janë duke iu dhënë qytetarëve pa iu bërë testi për COVID-19 dhe pa verifikuar nëse kanë apo jo imunitet që ta përballojnë këtë vaksinë.
Këtë shqetësim e ngriti infektologu, Hamdi Ramadani në një prononcim për Telegrafin, i cili tha se është problem dhënia e vaksinës në këtë mënyrë pasi paraqet rrezik për shëndetin e atyre personave.
Ramadani theksoi se dhënia e vaksinës pa teste paraprake COVID-19, personave të caktuar mund t’ju shkaktojë komplikime shëndetësore.
“Nuk po bëhen testimet paraprake COVID-19 dhe veç po vaksinohen njerëzit. Nuk e di pse po ndodh kjo te ne, pasi në botën perëndimore kjo bëhet. Duhet të bëhet testi për të pa nëse personi ka imunitet apo jo, mos rastësisht ende është virusi në organizëm dhe personi nuk e dinë që e ka pasi nuk ka simptoma. Mund të ndodh që virusi COVID-19 të jetë në organizëm dhe ta bësh vaksinën, atëherë është një rrezik shumë i madh dhe të lindin komplikimet e ndryshme”, tha Ramadani.
Ai po ashtu u shpreh se mos bërja e testeve paraprake te personat që marrin vaksinat antiCOVID-19 nga ana e personelit shëndetësor është gabim profesional.
“Mendoj që kjo është një gabim profesional, pasi paraprakisht çdo person që bën vaksinë duhet të testohet për antigjen COVID dhe për imunitetin e tij. Ai që është pozitiv me COVID nuk guxon me marr, pasi rreziku është shumë i madh. Është rrezik pasi futen dy viruse paralel. Askujt s’duhet t’i japin vaksina antiCOVID nëse nuk bëhen testime paraprake në këtë drejtim. Ata që e bartin virusin nuk kanë shenja dhe simptoma dhe nëse e marrin edhe vaksinën ka rrezik shumë të madh”, tha infektologu Ramadani
Ndërsa, i pyetur se a lejohen gratë shtatzëna që ta marrin vaksinën antiCOVID-19, ai tha: “Nuk i kanë përjashtuar nga programi gratë shtatzënë. Shumë vaksina kanë edhe ndryshim nga njëra dhe tjetra. Kjo AstraZeneca nuk iu ka rekomanduar moshës më pak se 65 vjeç, e tash po thonë që duhet të merret, d.m.th. ka lëvizje të vazhdueshme në kuptimin se ku duhet të jepet. Nuk është përjashtuar mundësia e dhënies së vaksinës tek gratë shtatzëna. Tek rastet e shtatzënive është mirë një konsultim te gjinekologu para se ta marrin vaksinën”.
Ndryshe, sot ka filluar vaksinimi i personave të moshuar mbi 85 vjeç në Qendrat e Mjekësisë Familjare në komunat e Kosovës, ndërsa nga 11 prilli pritet që të fillojë vaksinimi antiCOVID-19 edhe i grup-moshave nga 80-84 vjeç. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Zgjedhja e presidentit të Maqedonisë së Veriut “në duar” edhe të shqiptarëve
Në Shqipëri, zyrtari policor e shantazhon qytetaren: Mi jep 3 mijë euro ose t’i publikoj fotot e zhveshur
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Zyrtare: Kosova aktualisht nuk është në agjendën e mbledhjes së Komitetit të Ministrave të Këshillit të Evropës
Zbulohet receta e dhënë nga mjeku neuropsikiatër për nënën që u vetëvra me 3 fëmijët në lumin Buna
Deputeti i PDK akuzon ministrin Sveçla: Ka ndërmarrë veprime në veri pa e pyetur fare drejtorin e Policisë
Pas Danimarkës edhe Austria planifikon marrëveshje që të burgosurit të vuajnë dënimin në Kosovë
Hakerët rusë sulmojnë faqet e institucioneve, Gërvalla: Rusia po kryen sulm hibrid ndaj Kosovës
Policia e Kosovës gjen kamera në rrugët malore në kufirin Kosovë-Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'