Edhe një shqiptar drejt Ligës Premier, Adrion Pajaziti nënshkruan kontratë profesionale me Fulhamin

Fulhami që militon në Ligën Premier, ka prezantuar mesfushorin shqiptar, Adrion Pajaziti, i cili nga skuadra U-18 ka nënshkruar kontratë profesionale dhe do të luajë për Fulhamin U-23. 

Pajaziti është nga Kosova, ndërsa në Angli familja e tij ka shkuar gjatë luftës.

Ai ka folur për stilin e tij të lojës dhe ku e sheh vetën në të ardhmen.

U18 ➡️ Pro deal ➡️ U23

We present… 𝐀𝐝𝐫𝐢𝐨𝐧 𝐏𝐚𝐣𝐚𝐳𝐢𝐭𝐢! 😎#FFC

— Fulham Football Club (@FulhamFC) April 6, 2021

“Si lojtar, më pëlqen të futem në top dhe nuk kam frikë ta marr topin në asnjë pozicion. Pasimi im është një nga pjesët më të forta të mia, por më pëlqen edhe të krijoj shanse për ekipin, kështu që asistimet dhe krijimi i rasteve është një fushë tjetër e imja e fortë”, ka thënë Pajaziti për ueb faqen e klubit..

Ai thotë se kontrata e parë profesionale ka mundur të nënshkruhet më herët, por COVID-19 i ka ngadalësuar gjërat, por sërish ndjehet i lumtur.

“Unë për herë të parë kam dëgjuar më herët, COVID -19 padyshim që e ka vonuar pak procesin. Isha vërtet i lumtur sepse tregon që gjithë puna ime dhe sakrifica e familjes sime ia kanë vlejtur deri më tani dhe unë jam duke përparuar”.

“Ky ishte vetëm hapi i parë i vërtetë dhe duhet të sigurohem që të vazhdoj për më shumë”.

“Të jem i sinqertë, mendoj se hapi im i ardhshëm është të shkoj drejt Ekipit të Parë. Tani jam te U23 dhe kam luajtur mirë në këtë nivel, kështu që dua të ngjitem sa më shpejt të jetë e mundur”, përfudoi talenti shqiptar.

Drejtori i akademisë së Fulham, Huw Jennings e sheh si talent të madh dhe pret shumë nga Adroni i cili ka të drejtë të luajë për Kosovën, Shqipërinë dhe Anglinë.

“Adrioni ka aftësi të shkëlqyera krijuese dhe po zhvillohet si një mesfushor i gjithanshëm”.

“Prindërit e tij erdhën në Mbretërinë e Bashkuar pas luftës në Ballkan dhe Adrioni ka të drejtë të luajë për Kosovën, Shqipërinë dhe Anglinë”, deklaroi ai për ueb faqen e klubit. /Telegrafi/