Një vit pandemi COVID-19, Kelmendi: Shteti ka dështuar t’i ndihmojë prodhuesit
Shefi ekzekutiv i kompanisë EuroKosova, Gojart Kelmendi në një intervistë për Telegrafi.com me gazetarin e ekonomisë Albert Spahiu ka thënë se, institucionet kanë dështuar t’i ndihmojnë prodhuesit.
Duke folur për një vit pandemi COVID-19, Kelmendi shprehet se, gjatë kësaj periudhe, prodhuesit janë ballafaquar me sfida të mëdha.
“Viti pandemik ka qenë shumë sfidues për ne prodhuesve, pasi që jemi ballafaquar në prodhim për sigurimin e lëndës së parë, ashtu dhe problemet e tjera që kanë qenë me çmimet e larta të sigurimit të lëndës së parë, probleme me pagesa si dhe shumë çështje të tjera, sidomos çështja e sigurimit të punëtorëve dhe objektit nga COVID-19. Ka qenë një sfidë shumë e madhe, pasi që jemi ballafaquar dhe me shumë frikë nga ana e punëtorëve të cilët në fillim kanë hezituar të ballafaqohen për shkak të panikës që kanë pasur në atë kohë”, shprehet Kelmendi.
Ai thotë se, njëra nga sfidat kryesore ka qenë, sigurimi i punëtorëve dhe objektit nga mospërhapja e pandemisë.
“Ne si prodhues kemi qenë të lejuar të punojmë edhe në fillim të pandemisë kur të gjithë veprimtaritë tjera kanë qenë të mbyllura. Kemi pasur fatin që kemi mundur të punojmë dhe një prej sfidave më të mëdha ka qenë sigurimi i punëtorëve, mosshpërndarja e pandemisë dhe shumë sfida të tjera. Prej 20 vjet të të bërit biznes, ky vit ka qenë më sfiduesi deri më tani”, thotë ai.
Kelmendi tregon se gjatë pandemisë ka pasur vështirësi në sigurimin e lëndës së parë.
“Me prodhimin që merremi ne, pra me letër higjienike, gjatë pandemisë është shtuar kërkesa për produktet tona, kështu që në berzhën botërore ka qenë shumë e vështirë që të sigurohet lënda e parë. Me vështirësi të madhe është siguruar lënda e parë. I kemi furnizuar të gjithë klientët që kanë qenë te ne, ku e vetmja sfidë ka qenë çmimi, i cili është dashur të paguhet më shtrenjtë se normal që është paguar më herët”, tregon Kelmendi.
Ai shprehet se, ndihma e shtetit për bizneset ka qenë jo e mjaftueshme, duke shtuar se nëse institucionet nuk i ndihmojnë ata, atëherë zinxhiri i prodhimit do të kollapson.
“Ndihma e shtetit ka qenë në rroga, jo e mjaftueshme dhe shpresoj në të ardhmen do të na dalin përsëri në ndihmë. Ende nuk jemi në një situatë normale, qarkullimi nuk është siç ka qenë në vitin 2019 dhe ende jemi duke u marr me këtë sfidë të qarkullimit. Shpresoj që në të ardhmen shteti të na ndihmojë. Bizneset dhe prodhuesit që 20 vite kanë kontribuar në buxhetin e Kosovës, por kjo nuk na është kthyer nga shteti, siç është dashur të na kthehet. Një herë kemi pasur nevojë për shtetin për këtë vit pandemik dhe lirisht mund të themi se shteti ka dështuar të na ndihmoj neve. Në qoftë se shteti nuk na ndihmon neve si prodhues ose bizneseve të HORECA-së, atëherë ky zinxhir do të kollapson i gjithi, pasi që nuk do të kemi se ku t’i shesim produktet tona”, tërheq vërejtjen ai.
Në këtë intervistë, Kelmendi thotë se ka pritje të mëdha nga qeveria e re dhe se pret të ketë një pako të re financiare për t’i dal në ndihmë bizneseve.
“Kemi pritje të mëdha për qeverinë e re, shpresoj që të kemi pakon e re ekonomike, ndihmë për bizneset, sidomos për ato që janë prekur. Ka biznese që nuk kanë arritur as 30 për qind të qarkullimit që e kanë pasur më herët, kështu që në bazë të humbjeve dhe në bazë të qarkullimit që kemi pasur, të gjendet një mesatare dhe të bëhet një kompensim për bizneset e Kosovës, përndryshe ditë të vështira janë duke ardhur për biznesin dhe për ekonominë në veçanti”, përfundon Kelmendi. /Telegrafi/
Promo
Reklamo këtuLufta Prigozhin - Putin
Më shumëFranca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Me çka e shijon bukën ma s'shumti edhe pse bash me sugjukun Meka?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City