Analisti politik, Rrahman Paçarizi, ka thënë se qasja e Lumir Abdixhikut karshi Vjosa Osmanit dhe pretendimit të saj për presidente është e ngjashme me atë të Isa Mustafës karshi Hashim Thaçit kur e donte postin e presidentit.
“Është vendim i Lumir Abdixhikut para së gjithash, sepse ka vendosur kryesia që ai e ka zgjedhur. Nuk është krejt vendim i kryesisë, është vendim i Lumir Abdixhikut. Ai e ka ndërtuar një strategji që mua po më duket në një mënyrë si e Isa Mustafës që duke e votuar Vjosa Osmanin do t’ia dobësojmë partinë siç thoshte Isa Mustafa duke votuar Hashim Thaçin për president do ta dobësojmë PDK-në”, tha ai.
Ani se strategjinë e kryetarit të tanishëm të LDK-së dhe parardhësit të tij i sheh të ngjashme, Paçarizi thotë se jo edhe përfitimi për partinë do të jetë i njëjtë.
“Asokohe Isa Mustafa kishte përfitim direkt të partisë sepse u bë kryeministër, ndërkaq LDK-ja në këtë rast përfiton vetëm një ngushëllim moral me të cilin do të dalë në opinion”.
Ai ka deklaruar se nuk e di nëse LDK-ja po përpiqet të kthejë votuesit që i kanë ikur, apo t’i mbajë ata që i ka.
“Problemin e kam me LDK-në – a është një LDK e cila po përpiqet të përiftojë ata 100 mijë e pak votues që i kanë ikur, apo është një LDK që do të ruajë ata rreth 100 mijë votues që kanë votuar për të. Duhet të vendosë se për cilin votues është duke luftuar”.
Paçarizi ka thënë se Vjosa Osmani nuk do të jetë presidente e LDK-së, nëse bëhet presidente.
“Është person që vërtetë i ka marrë 300 mijë vota, pavarësisht se ka qenë pjesë e listës bashkë me Vetëvendosjen. Mund të supozojmë që do t’i kishte marrë apo jo sikur të kishte qenë LDK apo vetë. Këtu nuk po shoh asgjë të pandershme dhe as shantazh të mirëfilltë, sepse Vetëvendosje nuk po ju thotë hajdeni dhe votoni”, tha Paçarizi për Klan Kosova.
“Kryetari i Kuvendit do ta thërrasë një seancë të Kuvendit në të cilën do të votohet ose jo për Vjosa Osmanin, ndërkohë që iu mbetet partive opozitare të jenë opozitare ose jo. Nëse do të jenë opozitare nuk do të votojnë. Nëse kanë frikë, qysh po kanë frikë, do ta votojnë Vjosa Osmanin dhe do t’iu shmangen zgjedhjeve sepse e kanë frikën nga zgjedhjet”.
Ai ka vlerësuar se këtë herë nuk është bërë ‘pazar’ për postin e presidentit siç ka ndodhur rëndom në marrëveshjet e koalicioneve para apo paszgjedhore.
“Lëvizja Vetëvendosje ka mundur të ofrojë diçka në rast se nuk do të mund ta bënte qeverinë. Qeverinë e bëri dhe në këtë pikë ku mund të ofrohet diçka për subjektet e tjera politike, Vetëvendosja e ka kryer punën vetë. Te presidenti gjithmonë kemi thënë që për zgjedhjen e presidentit po ofrohen shërbime të caktuara dhe është e pandershme që të sigurohen në mënyrë këtë votat dhe tash cila është mënyra për të siguruar votat për presidenten përveç se deputetët të votojnë me vullnetin e tyre të lirë. Deputetët e kanë mundësinë të votojnë me vullnetin e tyre të lirë. Deputetët do të votojnë ose nuk do të votojnë nga frika se nuk janë të gatshëm për zgjedhje”, tha ai.
Promo
Reklamo këtuLufta Prigozhin - Putin
Më shumëArratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare
Kupchan: Përgatitja për themelimin e Asociacionit, vendim i rëndë për Kosovën
Analistët: Zhvillimet rreth Këshillit të Evropës rrezikojnë të ulin ritmin e integrimit evropian të Kosovës
Serwer ngre pikëpyetje: Çfarë duhet bërë me Asociacionin?
Kryeprokurori special flet për rastin e Enver Sekiraqes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare