Biden hesht për momentin rreth vrasjes së tetë aziatiko-amerikanëve

Presidenti Joe Biden tha se brutaliteti ndaj aziatiko-amerikanëve është “shumë, shumë shqetësues”, por ai nuk do të bëjë “asnjë lidhje” kur bëhet fjalë për motivimin e mundshëm për vrasjen e tetë njerëzve në Atlanta derisa hetimi të përfundojë.

Presidenti tha se u informua nga Prokurori i Përgjithshëm dhe Drejtori i FBI-së rreth hetimeve, transmeton Telegrafi.

“Hetimi është duke vazhduar dhe çështja e motivimit duhet të përcaktohet ende. Por cilado qoftë motivimi këtu, unë e di se aziatiko-amerikanët janë … ata janë shumë të shqetësuar, sepse siç e dini unë kam folur për brutalitetin kundër aziatiko-amerikanëve për dy muajt e fundit dhe mendoj se është shumë, shumë shqetësuese”, tha Biden përpara se të organizonte një takim dypalësh me kryeministrin e Irlandës, raporton cnn.

Lexo po ashtu Arrestohet i dyshuari për vrasjen e tetë personave në Atlanta

“Unë nuk po bëj asnjë lidhje në këtë moment të motivimit të vrasësit. Unë jam duke pritur një përgjigje nga – ndërsa vazhdon hetimi – FBI dhe nga Departamenti i Drejtësisë”, shtoi ai.

Ndryshe, autoritetet amerikane thanë se personi i dyshuar për vrasjen e tetë vetëve në sallonet e masazheve në Atlanta të Georgias ka pohuar se vuante nga fiksime seksuale dhe se incidenti me armë zjarri mund të mos ishte i motivuar nga urrejtja racore.

Zyrtarët thanë se 21-vjeçari Robert Aaron Long, duket se i kishte frekuentuar vetë sallonet ku ndodhi dhuna, ose të tjera të ngjashme me to, dhe se më pas ishte drejtuar për në Florida, mbase për të bërë vrasje të tjera. /Telegrafi/