Shtohen zërat për transferimin e Ronaldos te Real Madridi: Ish mesfushori i këtij klubi thotë se është e mundur edhe pse e vështirë

Ish-mesfushori i Real Madridit, Rafael Martín Vázquez ka thënë se kthimi i Ronaldos te mbretërit është i mundur, megjithëse paratë mund të jenë problem.

Cristiano Ronaldo ka qenë i lidhur me një kthim në Real Madrid gjatë verës dhe Zinedine Zidane ka nxitur spekulime për të ardhmen e sulmuesit të Juventusit.

Rafael Martín Vázquez që ka luajtur 10 vite te Real Madridi në dy periudha është i bindur se ylli portugez mund të kthehet në “Stadio Bernabeu” gjatë verës.

“Në futboll si në jetë, nuk mund të përjashtojmë asgjë. Situata është komplekse, por asgjë nuk është e pamundur”.

“Ka një histori të madhe dashurie prapa, midis klubit dhe lojtarit, midis presidentit dhe lojtarit”.

“Tensionet e shkaktuara nga lamtumira janë kapërcyer”.

“Dukej e pamundur që ai mund të bashkohej me Juventusin tre vjet më parë. Duket më pak e komplikuar që ai mund të kthehet në Madrid tani”, ka thënë ai për La Gazzetta dello Sport.

Ish-mesfushori i Real Madrid beson se mosha e CR7 nuk do të jetë problem.

“Ai nuk ka dëmtime të rënda. Ai ka shënuar pothuajse një gol për ndeshje në Serie A. Unë mendoj se ai do të vazhdojë të shënojë për një kohë, qoftë në Real Madrid apo Juventus apo diku tjetër”.

“Është pjesë e ADN-së së tij dhe nuk mund t’ia hiqni. Gjithashtu, ai kishte partneritet të përsosur me Benzemam. Do të ishte një nënshkrim i shkëlqyeshëm nga Real Madrid ”.

“Paraja, megjithatë, mund të jetë një problem. Duhet ta shohim nëse Juventusi është i gatshëm ta largoj falas. Mos harroni se ka një pagë të lartë”.

“Do të ishte një operacion i kushtueshëm dhe është e komplikuar të bësh diçka të shtrenjtë në futboll në ditët e sotme”, përfundoi Vazquez. /Telegrafi/