Fauci: Udhëzimet e COVID-19 “do të jenë shumë më liberale deri më 4 korrik”

Udhëzimet Federale COVID-19 “do të jenë shumë më liberale” deri më 4 korrik nëse rastet e SHBA-së bien pasi më shumë amerikanë vaksinohen, tha të dielën Dr. Anthony Fauci.

“Nëse në kohën që do të arrijmë më 4 korrik, me shpërndarjen e vaksinës, ne kemi nivelin e infeksionit kaq të ulët – unë nuk do të jem në gjendje t’ju them saktësisht se cilat do të jenë udhëzimet specifike të Qendrat për Kontrollin dhe Parandalimin e Sëmundjeve, por unë mund t’ju them me siguri (udhëzimet) do të jenë shumë më liberale sesa janë tani për atë që mund të bëni”, tha drejtori i Institutit Kombëtar të Alergjisë dhe Sëmundjeve Infektive për CNN-in.

I pyetur nëse njerëzit do të kthehen në një shkallë normale pa maska dhe respektim të distancave deri në pushimet e verës, Fauci, këshilltari kryesor mjekësor i presidentit amerikan, Joe Biden, u përgjigj se “Po … do të ketë një shkallë më të lartë besimi”.

Komentet nga Fauci vijnë gati një javë pasi CDC lëshoi udhëzime të reja duke thënë se njerëzit plotësisht të vaksinuar kundër coronavirusit mund të vizitojnë në mënyrë të sigurt me njerëz të tjerë të vaksinuar dhe grupe të vogla njerëzish të pavaksinuar në disa rrethana.

Në njoftimin e planit të javës së kaluar, Biden hodhi hapa të rinj për të cilët administrata beson se e bën realiste afatin kohor të 1 majit, duke përfshirë zgjerimin e llojeve të profesionistëve që janë në gjendje të administrojnë injektimin e vaksinave. Stomatologët, veterinerët dhe ndihmësmjekët do të përfshihen të gjithë në listën e re të miratuar. /Telegrafi/