Një avokat ka zbuluar një mashtrim të thjeshtë që do t’ju ndihmojë të identifikoni një gënjeshtar

Nganjëherë është shumë e lehtë të njohësh kur dikush po të gënjen, por disa njerëz mund të jenë shumë të aftë në fshehjen e së vërtetës.

Nëse ka ndonjë profesion që kërkon një sens të gjashtë për të zbuluar të vërtetën, ai është profesioni i avokatit. Avokati Michael Mandell ka ndarë një mënyrë të thjeshtë për të zbuluar një gënjeshtar.

Michael shpjegon se nëse dyshoni në historinë e dikujt, gjithmonë duhet të kërkoni që ta tregojë përsëri, transmeton Telegrafi.

Njerëzit që thonë të vërtetën kujtojnë më shumë detaje që zbulojnë ndërsa përsërisin historinë e tyre. Gënjeshtarët zakonisht kujtojnë historinë e tyre dhe është krejtësisht e njëjtë kur e përsërisin atë, pa detaje të reja.

@lawbymikeStop falling for people’s lies! Watch this #law #lies #lawyer♬ Whoopty – CJ

“Një mashtrim tjetër është t’i kërkosh që të tregojnë historinë e tyre anasjelltas – kjo do t’i bëjë ata të mendojnë, dhe më shumë përpjekje kërkon më shumë gënjeshtra dhe nervozizëm”, tha Michael.

Videoja që ai ndau në TikTok grumbulloi mbi 750,000 shikime.

Këto nuk janë mënyrat e vetme që mund të ekspozoni një gënjeshtar.

Gjegjësisht, ekspertët kryen një studim që tregoi se njerëzit që nuk thonë të vërtetën shpesh kopjojnë sjelljen dhe gjuhën e trupit të personit me të cilin po flasin. /Telegrafi/