‘Djaloshi i topave’ mendoi se Lukaku do ta shqyente rrjetën

Interi arriti ta mposhtte Cagliarin me rezultat 3-1 në udhëtime, edhe pse deri në minutën e 77-të ishte në disavantazh prej një goli.

Riccardo Sottil kishte shënuar për vendasit në pjesën e parë, mirëpo në fraksionin e dytë, Nerazzurrët përmbysën gjithçka.

Fillimisht, Nicolo Barella e barazoi rezultatin, ndërsa golin e epërsisë e realizoi Danilo D’Ambrosio porsa hyri në lojë.

Romelu Lukaku e vendosi rezultatin përfundimtar duke shënuar në minutat shtesë të takimit.

Derisa e gjithë skuadra e Cagliarit kishte dalë përpara për një shans të fundit, atje ndodhej edhe portieri Alessio Cragno.

Pas topit të humbur nga vendasit, Interi kundërsulmoi dhe sulmuesi belg e kaloi me lehtësi portierin kundërshtar duke shkuar i vetëm përpara.

Kur arriti te porta, ai goditi fuqishëm, ndërsa ‘djaloshi i topave’ që ndodhej prapa portës reagoi instinktivisht duke pasur frikë se Lukaku do ta shqyente rrjetën. /Telegrafi/

The boy behind the goal knew that Lukaku could tear the net pic.twitter.com/k0uiQSXs6Y

— Dhari Abul  (@DhariAbul) December 13, 2020