Nicki Minaj pëlqen postimin e Loredanës, nuk i reziston videos atraktive të vajzës së reperes shqiptare në Instagram

Reperja e njohur shqiptare, Loredana Zefi, është shumë e pëlqyer tashmë jashtë kufijve.

Ajo ka një karrierë të suksesshme në Gjermani dhe Zvicër, teksa numëron një numër të madh ndjekësish në rrjetet sociale.

Shpesh, reperja nga Ferizaj publikon imazhe të ndryshme nga jeta e përditshme, ku nuk heziton që në të shumtën e rasteve të publikojë ndonjë fotografi apo video të vajzës së tyre, Hanës.

Së fundmi, ajo ka publikuar një video të saj, ku shfaqet me një pjesëtar të stafit duke filmuar me njërën nga kamerat profesionale.

Kjo video është xhiruar nën ritmet e këngës “Moment for life” të Nicki Minaj.

E njëjta video është rishpërndarë nga një prej faqeve të Nickit, e që mesa duket i ka rënë në sy edhe këngëtares me famë botërore.

Reperja amerikane nuk i ka rezistuar videos atraktive të tëvoglës Hana, me ç’rast edhe e ka pëlqyer postimin në fjalë.

E lumtur nga kjo gjë, Loredana ka publikuar në InstaStory postimin ku shihet edhe pëlqimi i Nicki Minajt, teksa e falënderuar reperen me renome ndërkombëtare. /Telegrafi/