Nuk ka fitues në Francë, Lille dhe Milan ndajnë pikët

Lille dhe Milan kanë ndarë pikët në derbin e xhiros së katërt në Grupin H.

Dy skuadrat që janë favorite për të kaluar nga ky grup, kanë luajtur baras 1-1 në një ndeshje shumë interesante.

Si vendasit ashtu edhe mysafirët patën raste të mira shënimi në pjesën e parë, por që portat mbetën të paprekura.

Por me të filluar pjesa e dytë, Milan gjeti golin e epërsisë.

Ante Rebic doli i vetëm përballë portierit vendas, por asistoi te Castillejo i cili shënoi me lehtësi për 0-1.

Vendasit nuk u dorëzuan në asnjë moment, dhe barazuan gjithçka në minutën e 65-të të ndeshjes.

Jonathan David asistoi bukur për Jonathan Bamban i cili realizoi një gol të bukur për 1-1.

Përkundër disa rasteve tjera të mira nga të dyja skuadrat, rezultati mbeti i pandryshuar dhe Lille e Milan u ndanë në paqe pasi barazuan 1-1.

Pas katër xhirove, Lille mbanë vendin e parë në Grupin H me tetë pikë, ndërsa Milan ndodhet në të dytin me një pikë më pak e Sparta e Pragës e treta me gjashtë pikë.

Ndeshjen e ardhshme Lille e luan përsëri në shtëpi ndaj Sparta Pragës, ndërsa Milan pret gjigantin skocez Celtic. /Telegrafi/

https://twitter.com/noob_fcb/status/1332037134019072001

https://twitter.com/noob_fcb/status/1332042073709678592