Vëllai i princeshës Diana thotë se seriali “The Crown” është hamendje dhe trillim

Charles Spencer, vëllai i princeshës Diana, nuk ka mundur të shikojë më shumë se një episod të serialit “The Crown”, duke qenë se nuk, sipas tij, nuk ka përmbajtje nga jeta reale e saj.

Ai ka thënë se e ka pasur të vështirë ta shikojë karakterin e motrës së tij, ndërsa ka paralajmëruar se publiku duhet ta kuptojë serialin si trillim.

Sezoni i katërt i serialit të popullarizuar ka nisur shfaqjen në Netflix më 15 nëntor, ndërsa ndjek intrigat e familjes mbretërore, ku përfshihet edhe princesha Diana.

Duke folur në emisionin Love Your Weekend, vëllai i princeshës së ndjerë ka thënë se ngjarja në serial është e gjitha hamendje dhe trillim.

Lexo po ashtu Sezoni i ri i serialit "The Crown" sjell princeshën Diana dhe Margaret Thatcher

“Seriali e ka bazën mbi faktet, mirëpo ato pjesët e rëndësishme ndërmjet nuk janë fakte. Producentët më kanë lutur që të xhironin në shtëpinë tonë familjare, por nuk e kam miratuar këtë”.

“Më shqetëson fakti se njerëzit duke e shikuar serialin do të harrojnë se e gjitha është trillim. Një pjesë e publikut e përjeton serialin si mësim të historisë, që në fakt nuk është dhe është detyrë e imja që t’i paralajmëroj për këtë”, ka deklaruar Spencer. /Telegrafi/

pic.twitter.com/lpZXrQNsid

— Charles Spencer (@cspencer1508) November 7, 2020