Selimi: Çkapja për kapje apo çkapja për sundim të ligjit?

Ministri i Drejtësisë, Selim Selimi, duket se në mënyre indirekte është përfshirë në përplasjen e kryeministrit Avdullah Hoti dhe shefit të tij partiak Ramush Haradinaj, lidhur me çështjen e shuarjes së Task-forcës antikorrupsion.

Selimi shtroi një pyetje lidhur me këtë çështje përmes një postimi në Twitter:

“Çkapja për kapje apo çkapja për sundim të ligjit? Deri në pafundësi për këtë të dytën!”, ka shkruar Selimi.

https://twitter.com/selim_selimi/status/1320750179914571778?s=20

Dy ditë më parë ka pasur një përplasje mes liderit të AAK-së, Ramush Haradinaj dhe kryeministrit Avdullah Hoti, lidhur me shuarjen e  Task-forcës antikorrupsion.

Haradinaj, që është partneri kryesor i kryeministrit Avdullah Hoti, duke dalur kundër vendimit të Qeverisë së Kosovës për shuarjen e Task-Forcës anti-korrupsion, ka thënë se shkarkimi i kësaj force shkakton pasiguri juridike, pasi e njëjta ka hetuar dhe po hetonte raste të profilit të lartë.

“Politika nuk duhet të përzihet në drejtësi. Këtë e kemi bërë me vendimet që kemi marr në këta muaj të qeverisjes. Drejtësia duhet ta bëjë punën sipas ligjit, e jo sipas vendimeve të Qeverisë. Kthimi i ligjshmërisë dhe kushtetutshmërisë në vend duhet të jetë angazhim i të gjithëve”, shkroi Hoti në Facebook.

Por, i menjëhershëm ishte reagimi kryeministrit Avdullah Hoti.

Hoti në Facebook, shkroi se qeveria është e vendosur për të forcuar rendin ligjor dhe se ‘siguria juridike garantohet vetëm duke respektuar Kushtetutën, ligjet dhe institucionet shtetërore’. /Telegrafi/