Chelsea bie në fund, barazon me Southamptonin në trilerin e gjashtë golave

Chelsea nuk ka arritur të mbajë epërsinë ndaj Southamptonit dhe në fund ka barazuar 3-3 në ndeshjen e vlefshme për javën e pestë në Ligën Premier.

Blutë e Londrës nuk kanë arritur t’i kthehen fitoreve, pasi kanë barazuar me Southamptonin në Stamford Bridge.

Pjesa e parë e ndeshjes u karakterizua me lojë më të mirë të vendasve, të cilët arritën të shënojnë dy gola, kundrejt një të mysafirëve.

Timo Werner shënoi në minutën e 15-të për 1-0 pas asistimit të Ben Chilëell, ndërsa në minutën e 28-të gjermani shënoi për 2-0.

Southampton u kthye në lojë në minutën e 43-të duke shënuar me Danny Ings dhe skuadrat shkuan në pushim me rezultat 2-1.

Half-time: Two for Chelsea, two for Timo – but Saints pulled one back just before the break. #CHESOU pic.twitter.com/fUsHvOiZeO

— Chelsea FC (@ChelseaFC) October 17, 2020

Në pjesën e dytë, u zhvillua lojë e barabartë nga të dyja skuadrat, por mysafirët patën diçka më shumë nga loja duke shënuar dy gola, ndërsa vendasit një.

Che Adams (57’) barazoi gjithçka në 2-2, por ky barazim zgjati vetëm dy minuta pasi Kai Havertz shënoi nga afërsia për 3-2.

Kur pritej që ndeshja të përfundonte, ashtu nuk mendoi edhe Jannik Vestergaard, i cili në minutat shtesë shënoi për 3-3 dhe me këtë rezultat u mbyll ndeshja.

Full-time: The points are shared. #CHESOU pic.twitter.com/fLSeEemRQM

— Chelsea FC (@ChelseaFC) October 17, 2020

Pas këtij barazimi, Chelsea e sheh veten në pozitën e gjashtë me tetë pikë, ndërsa Southamptoni i 10-ti me shtatë pikë.

Në ndeshjen e radhës, Blutë luajnë në Manchester Unitedi, ndërsa Southamptoni e pret Evertonin. /Telegrafi/

https://twitter.com/CFCPys/status/1317470090540044290

https://twitter.com/ExpectedChelsea/status/1317473547128872960

https://twitter.com/OnlyFootballCl1/status/1317477031580471296

https://twitter.com/OnlyFootballCl1/status/1317484904804999168

https://twitter.com/OnlyFootballCl1/status/1317485348956606466

https://twitter.com/footy_Goals_/status/1317494624567447553