Casillas: Mourinho ishte njëri nga të parët që më thirri pas sulmit në zemër

Portieri legjendar, Iker Casillas ka zbuluar se Jose Mourinho ishte një nga të parët që e thirri atë pasi ai pësoi një sulm në zemër në vitin 2019.

Casillas, i cili doli në pension zyrtarisht në verë, ishte duke u stërvitur me Porton në vitin 2019 kur pësoi sulm në zemër dhe kaloi pesë ditë në spital pas kësaj.

Ai kishte punuar më parë me Mourinhon te Real Madridi, ku ai kishte luajtur gjithë karrierën e tij, por dyshja nuk patën raporte edhe aq të mira pasi portugezi e largoi në mënyrë të diskutueshme spanjollin në vitin 2015.

Lexo po ashtu Portieri legjendar Iker Casillas pensionohet nga futbolli

Sidoqoftë, Mourinho tregoi klasin e tij duke kontrolluar mirëqenien e kujdestarit në momentin kur Casillas pati probleme shëndetësore.

“Shumë njerëz nuk e dinë atë, por Jose Mourinho ishte njëri nga njerëzit e parë që thirri për mua, për të gjetur dhe pyetur se si isha”, ka thënë Casillas për ESPN.

Casillas do të mbahet mend si njëri nga portierët më të mirë të brezit të tij, pasi ka dalë në ekipin e parë të Real Madridin më 1999, si një adoleshent dhe qëndroi në klub deri në largimin e tij 16 vjet më vonë.

Lexo po ashtu Casillas zgjedh më të mirin dhe tregon diferencën mes Messit dhe Ronaldos

Ai qëndron i dyti në listën e lojtarëve me më shumë paraqitjeve në të gjitha kohërat pas Raul Gonzalez dhe fitoi pesë tituj në La Liga dhe tre Liga të Kampionëve gjatë kohës që ishte në Santiago Bernabeu.

Në Porto, ai do të vazhdonte dhe fitonte një titull të ligës, ndërsa do të vazhdonte të arrinte 57 ndeshje pa pranuar gol në Ligën e Kampionëve – një rekord që vazhdon të qëndrojë. Ai ishte me ekipin portugez nga 2015 deri në 2020. /Telegrafi/