Serie A drejt kaosit, Napoli refuzon të udhëtojë për ndeshjen me Juventusin

Saga për zhvillimin apo mos-zhvillimin e ndeshjes Juventus-Napoli po vazhdon edhe sot (e diel) disa orë para orarit të paraparë për këtë ndeshje.

Napoli konfirmoi gjatë ditës së djeshme tri raste me COVID-19 në skuadër, me lojtarët Piotr Zielinski dhe Elif Elmas të infektuar së bashku me një anëtar të stafit.

Kështu, autoriteti lokal shëndetësor (ASL) në Campania vendosi që klubi napolitan të futet në karantinë dhe të mos lejohet udhëtimi për në Torino, pasi rrezikohet përhapja e infeksionit.

Lexo po ashtu Vështirësohet ardhja e Amir Rrahmanit për ndeshjet e Kosovës, klubi i Napolit në karantinë pas tri rasteve me COVID-19

Megjithatë, Juventusi nuk e priti mirë këtë lajm dhe gjatë mbrëmjes së shtunë lëshoi një deklaratë ku bëri të ditur se ekipi i tyre do të dalë sot (e diel) në fushë për të zhvilluar normalisht ndeshjen nga ora 20:45.

Kështu, derbi Juventus-Napoli po bëhet një çështje e shtetit dhe Serie A po shkon drejt kaosit në këtë fillim sezonit 2020/21.

Lexo po ashtu Juventusi kërkon të mos shtyhet ndeshja ndaj Napolit

Napoli ka vendosur që të përmbahen nga vendimi i autoritet lokal shëndetësor dhe janë të gatshëm edhe nëse humbin në tavolinë me rezultat zyrtar 3-0.

#Juve – #Napoli , caos totale: la #ASL non ha vietato il viaggio. Per la #LegaserieA si gioca.
I #bianconeri fanno sapere che scenderanno regolarmente in campo gli azzurri non sanno se partire per Torino#sportmediasethttps://t.co/YEqHIq12kp pic.twitter.com/QYwgoZka9l

— SportMediaset.it (@sportmediaset) October 4, 2020

“Mbrojtja e shëndetit të napolitanëve varet nga ne. Ne nuk duhet të kërkojnë leje nga askush”, kanë thënë ASL në njoftimin e tyre pas ndalimit të udhëtimit të Napolit në Torino.

Në anën tjetër, drejtuesit e futbollit në Itali po mendojnë ta shtyjnë ndeshjen për të parandaluar polemikat që do të pasonin në rast të një fitore të Juventusit në tavolinë. /Telegrafi/