Reali bëri vetëm tri ndërhyrje të palejuara në ndeshjen ndaj Cityt – që është tregues për mungesën e intensitetit

Real Madridi shkaktoi vetëm tri ndërhyrje të palejuara ndaj Manchester Cityt, ndërsa ky numër flet për mungesën e intensitetit të Los Blancos në Etihad Stadium.

Madrilenët udhëtuan në Angli në përpjekje për ta përmbysur humbjen prej 1-2 nga ndeshja e parë e të tetës së finales në Santiago Bernabeu.

Mirëpo, ata pësuan një tjetër humbje nga skuadra e Pep Guardiolas, e cila u kualifikua në çerekfinale të garës më të madhe evropiane për klube.

Derisa në sfidën e parë në Madrid kishin bërë 13 ndërhyrje të palejuara, në Mançester ata i bënë vet tri sosh – transmeton Marca.

Njëra ishte në pjesën e parë, kur Dani Carvajal ndërhyri në Gabriel Jesus, derisa e dyta shumë më vonë kur Luka Modric u ndëshkua me karton të verdhë për ndërhyrjen në Kevin De Bruyne. Disa minuta më pas, ishte Toni Kroos ai që ndërhyri në De Bruynen.

Nga ana tjetër, lojtarët e Manchester Cityt shkaktuan tetë ndërhyrje të palejuara, asnjëra prej të cilave nuk ishte për karton.

Kjo ishte vetëm hera e tretë që Reali mjaftohet me vetëm tri ndërhyrje të palejuara dhe të tria kanë ndodhur në Ligën e Kampionëve.

Për herë të parë kishte ndodhur në vitin 2014 kur e mposhtën Schalke (6-1), hera e dytë në vitin 2017 kur fituan ndaj Borussia Dortmundit (3-2) dhe hera e tretë këtë edicion ndaj Cityt. /Telegrafi/