Infektologu Sadiku tregon se cila është mënyra më e mirë e përshëndetjes në kohën e pandemisë COVID-19

Infektologu, Izet Sadiku u ka bërë apel qytetarëve që të respektojnë masat mbrojtës ndaj COVID-19.

Sadiku në një intervistë në emisionin “Përballje ditore”, me kryeredaktorin Muhamet Hajrullahu në Telegrafi.com ka thënë se qytetarët duhet të mbajnë maskat mbrojtëse dhe distancën fizike nëse duan ta mbrojnë vetën dhe familjen e tyre.

Gjithashtu, infektologu ka thënë se në këtë kohë të pandemisë, përshëndetja me bërryl është më e përshtatshme.

Unë jam që qytetarët të përshëndeten me bërryl, pasi që mundësia me pas kontakt huna më bëryll ose gojë është shumë e vogël. Ndërsa me duar ne kemi mundësi me prek shumë gjëra e që mund të bartet virusi”, deklaroi ai.

Sadiku gjatë intervistës tha se tani është koha që të merren masa me qëllim të parandalimit, ndërsa lufta ndaj këtij virusi është në parandalim.

“Faktori determinues është IKSHPK, i cili në bazë të analizave që bën rekomandon masat. Nëse ne kemi një analizë të mirëfilltë të situatës së kush janë faktorët më të mëdhenj të rrezikut në Kosovë, dhe marrim masa ndaja tyre faktorëve atëherë mundësi për parandalim është më e madhe. Në qoftë se marrim masa pa analizë të Institutit, atëherë këto mund të jenë veprime që edhe irritojnë qytetarët edhe të mos efekte të numrave”, u shpreh ai. /Telegrafi/