Ditën e katërt rradhazi mbi 1,000 persona vdesin nga coronavirusi në SHBA

Shtetet e Bashkuara të Amerikës regjistruan për të katërtën ditë rresht më shumë se 1,000 vdekje shkaku i coronavirusit.

Në 24 orët e kaluara, 1,019 njerëz vdiqën gjersa edhe një ditë më parë, numri i vdekjeve ishte 1,140, raporton Financial Times.

Përkundër kësaj, sekretarja e shtypit e Shtëpisë së Bardhë, Kaylee McEan njoftoi dje se fëmijët duhet të kthehen në shkollë, edhe nëse studimet e ardhshme zbulojnë se ata transmetojnë COVID-19, sepse ata kanë më pak të ngjarë të zhvillojnë forma më të rënda të sëmundjes.

Lexo po ashtu Çdo orë gjatë kësaj jave, SHBA-ja ka regjistruar rreth 2600 raste të reja me coronavirus

Teksasi raportoi vdekje rekord prej 206 personash gjatë ditës së mërkure, Florida pati një numër rekord vdekjesh të enjten – 173, dhe California të mërkurën – 159, transmeton Telegrafi.

Gjithsej 145.352 njerëz kanë vdekur nga coronavirusi në Shtetet e Bashkuara deri më tani. Të paktën 68.800 raste të infeksionit u konfirmuan në Shtetet e Bashkuara dhe një total prej më shumë se 4.2 milionë njerëz u infektuan.

Lexo po ashtu Në një rajon të Teksasit, pacientët e sëmurë rëndë me COVID-19 do të “dërgohen në shtëpi për të vdekur”

Edhe pse numri i vdekjeve në Shtetet e Bashkuara po rritet për javën e dytë me radhë, ai është akoma dukshëm nën nivelin e muajit prill, kur coronavirus vrau mesatarisht 2,000 njerëz në ditë.

Shtetet e Bashkuara janë të parat në botë në numrin e të infektuarve dhe të vdekurve nga COVID-19. /Telegrafi/