Këshilli për Mbrojtjen e të Drejtave të Lirive të Njeriut (KMDLNj), ka thënë se kryeministri, Avdullah Hoti duhet ta shkarkojë zëvendëskryeministrin, Goran Rakiq pas rikthimit të disa masave anti COVID-19, në komunat në veri.
KMDLnj thotë se “Serbia e riktheu gjendjen e jashtëzakonshme ku u përfshinë komunat që gjeografikisht janë pjesë e Kosovë kurse faktikisht, përmes Listës Serbe kontrollohen nga Serbia”, transmeton Telegrafi.
“Kryeministri Hoti duhet ta shkarkojë Goran Rakiqin për faktin se ai , me subjektin që e drejton, Lista Serbe po i shërben interesave të Serbisë dhe se për epror politik po e njeh dhe pranon vetëm kryetarin e Serbisë, Aleksandar Vuçiq, me një të kaluar kriminale si kontribuues i krimeve të luftës në Kosovë e që, në çdo aspekt është e papranueshme për Kosovën”, thuhet në reagim.
Reagimi i plotë i KMDLNj-së:
“Pas përshkallëzimit të situatës së pandemisë të shkaktuar nga COVID-19, Qeveria e Kosovës riktheu masën e kufizimit të lirisë së lëvizjes në katër komuna ku numri i të infektuarve ishte më i madh. Edhe Serbia e riktheu gjendjen e jashtëzakonshme ku u përfshinë komunat që gjeografikisht janë pjesë e Kosovë kurse faktikisht, përmes Listes Serbe kontrollohen nga Serbia. Goran Rakiq, kryetar i L.S. dhe zëvendëskryeministër në Qeverinë Hoti shpalli gjendje të jashtëzakonshme në komunat e Kosovës, jo sipas vendimit të kryeministrit Hoti dhe Ministrit të Shëndetësisë Zemaj por sipas vendimit te kryetarit të Serbisë, Aleksandar Vuçiq të cilin edhe e njeh dhe e pranon si kryetar e jo kryetarin e Kosovës.
Kryeministri Hoti, i magjepsur nga fama mashtruese e të qenit personalitet me peshë vendimmarrëse për Kosovën duke u shetitur nga Parisi në Bruksel dhe duke parë ëndërr Kopshtin me Trëndafila në Washington, as që reagoi ndaj këtij diversioni kundër Kosovës që po ia bënë kinse zëvendëskryeministri i Kosovës sikur edhe nuk reagoi kur Serbia i organizoi zgjedhjet e Serbisë në Kosovë, pa i pyetur fare autoritetet e vendit.
Kryeministri Hoti për këto zgjedhje të organizuara nga një shtet me sjellje krejtësisht armiqësore dhe destruktive ndaj Kosovës, në vend se t’i ndaloi siç do të bënte çdo shtet normal, i arsyetoi se janë trashëgimi nga qeveritë e mëparshme, sikur të ishte një oportunist i thekur. Ministri Zemaj, pas shumë vdekjeve të dyshimta të qytetarëve të Kosovës të infektuar me COVID-19, në vend të reagimit për shkak të përgjegjësisë morale që i takon në bazë të postit që e ka, kritikuesit i akuzoi për përdorim të fjalorit të frustruar dhe i cilëson si bodigardë politikë thuaja se ky qenka autoritet i pranuar ndërkombëtar në fushën e politikes botërore.
Në vend se të kërkojë shkarkimin e Rakiqit i cili ia merr kompetencat për shpallje të kufizimit të lirisë së lëvizjes në komunat e Kosovës të banuara me shumicë serbe, e mirëpret shkarkimin e drejtorit të QKUK- së, Basri Sejdiu për të cilin thotë se u bë mirë që u shkarkua për shkak të vdekjeve të dyshimta e që e kundërshton arsyetimin e Bordit që thotë se Basri Sejdiu qenka shkarkuar për shkak të gjetjeve të auditorit të brendshëm.
Nëse vdekjet që janë cilësuar si të dyshimta dhe që po hetohen nga autoritetet përgjegjëse janë arsye për shkarkimin e Basri Sejdiut, atëherë, ministri Zemaj, për arsye të përgjegjësisë morale është dashur të jep dorëheqje. Për më keq, ministri Zemaj ka deklaruar se ende nuk e ka marrë raportin e Prokurorisë së Shtetit e që sipas KMDLNj –së paraqet ndërhyrje në punën e prokurorisë për faktin se Prokuroria nuk ka asnjë detyrim ligjor t’i raportojë ministrit por komunikon me Gjykatën.
Kryeministri Hoti duhet ta shkarkojë Goran Rakiqin për faktin se ai , me subjektin që e drejton, Lista Serbe po i shërben interesave të Serbisë dhe se për epror politik po e njeh dhe pranon vetëm kryetarin e Serbisë, Aleksandar Vuçiq, me një të kaluar kriminale si kontribuues i krimeve të luftës në Kosovë e që, në çdo aspekt është e papranueshme për Kosovën.
Krejt në fund KMDLNj pyet se si Qeveria Hoti mendon të përfaqësojë Kosovën në bisedime dhe të arrijë një marrëveshje eventuale kur brenda saj e ka një zëvendëskryeministër të Kosovës që është marionetë e bindur e kryetarit të Serbisë, kontribuuesit dhe propaganduesit për krime lufte në Kosovë, në bazë të postit që e ka pasur, Aleksandar Vuçiq.
Prandaj, për ta pamundësuar ndikimin destruktiv të Goran Rakiqit dhe subjektit politik që e drejton e që pariparueshëm dëmton qëndrueshmërinë dhe shtetësinë e Kosovës duhet të bëhet riformatimi i Qeverisë së Kosovës ku do të përfshiheshin të gjitha subjektet politike ose duhet të shkohet në zgjedhje të reja”.
Ndryshe, shtabi i emergjencës për katër komunat veriore të Kosovës me shumicë serbe, të martën kanë shpallur kufizime të lëvizjes për shkak të situatës pandemike me virusin COVID-19.
Për këtë vendim Lista Serbe ka deklaruar se është në përputhje të plotë me vendimet e gjitha masave epidemiologjike të përcaktuara nga Qeveria serbe e jo me atë të Kosovës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ndalohen dy persona nga Shkupi, dyshohen se kanë kryer katër krime
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Për zgjedhjet e 8 majit në RMV u akredituan 1078 vëzhgues vendas dhe 770 të huaj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Vdes një grua në Repartin e Gjinekologjisë në Prizren
Rast i pazakontë në Prishtinë, dy persona të maskuar tentuan t’ia vënë zjarrin një shkolle
Çfarë pyetje u bëhen qytetarëve në diasporë për regjistrim?
Keqtrajtoi një qen, arrestohet i dyshuari në Prishtinë
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City