Caktohet gjyqtari i derbit në La Liga: Barcelona – Atletico Madrid, vlerësohet shumë nga UEFA

Është caktuar edhe zyrtarisht gjyqtari që do të ndajë drejtësinë në derbin e La Ligas në mes të Barcelonës dhe Atletico Madridit.

Hernandez Hernandez do të jetë ai që do të sinjalizojë fillin dhe fundin e takimit ndoshta më të rëndësishme në ligën spanjolle në këtë edicion.

Ai ishte zgjedhur po ashtu në takimin e fundit mes Blaugranasve dhe Real Madridit në Santiago Bernabeu, para se të pësonte lëndim dhe të zëvendësohej nga Undiano Mallenco.

Hernandez vlerësohet lartë nga UEFA për referimin e tij, sidomos në kualifikimet për Euro 2020 që do të mbahej në këtë verë, por shkaku i coronavirusit u shtye për verën e vitit të ardhshëm.

Ai po ashtu konsiderohet të jetë si njëri ndër gjyqtarët që e përdor më së miri VAR-in, e që është në bashkëpunim me Carlos del Gerro dhe Martinez Munueran.

Mateu Lahoz do të jetë në dhomën e VAR-it për takimin Barcelona – Atletico Madrid që zhvillohet në Camp Nou më 30 qershor nga ora 22:00.

Barcelona barazoi mbrëmë 2-2 me Celta Vigon, duke kaluar në krye të tabelës me një pikë më shumë se Real Madridi, që ka një ndeshje më pak. /Telegrafi/