​Edhe 11 pacientë të shëruar nga COVID-19 në Ferizaj, vetëm 18 raste aktive

Edhe 11 pacientë me Covid-19 nga Ferizaj janë shëruar plotësisht, duke quar numrin e përgjithshëm të të shëruarve në 114.

Ndërsa aktive janë edhe 18 raste.

Këto të dhëna janë bërë të ditura nga Komuna e Ferizajt.

“Nga rezultatet e mbrëmshme dhe të sotme nga IKSHPK lidhur me të shëruarit dhe të infektuarit nga virusi COVID-19, rezulton se kemi edhe 11 ferizajas të shëruar , që çon në 114 numrin e të shëruarve, duke mbetur edhe 18 raste aktive”, thuhet në njoftimin e Komunës së Ferizajt.

Lexo po ashtu Edhe pesë raste të reja me coronavirus në Kosovë, shërohen tre pacientë

Autoritetet shëndetësore në Kosovë kanë thënë se derisa kufizimet po hiqen gradualisht, masat mbrojtëse si: maskat, ruajtja e distancës dhe kujdesi i shtuar i higjienës, duhet të praktikohen nga qytetarët.

Kryeministri i Kosovës, Avdullah Hoti, ka kërkuar nga institucionet shëndetësore që të angazhohen në mbajtjen në nivel të lartë të vetëdijes së qytetarëve për pandeminë e COVID-19.

Gjatë një vizite në ministrinë e Shëndetësisë së Kosovës, kryeministri Hoti tha se qeveria e tij e ka një plan për përballje afatgjate me pandeminë. /Telegrafi/